ل شنگالێ 50 خانى بۆ ڕزگاربوويان دئێنه ئاڤاكرن
باسنيوز:
موختارێ گوندێ حه‌ردان ل قه‌زا شنگال دیاركر ده‌ست ب ئاڤاكرنا 50 خانیان ل گوندێ حه‌ردان ژلایێ رێكخراوان ڤه بۆ رزگاربوویێن ده‌ستێ تێرۆرستێن داعش هاته كرن”.
حه‌سه‌ن قاسم، موختارێ گوندێ حه‌ردان ل قه‌زا شنگال بۆ (باسنیوز) راگه‌هاند، حكومه‌تا عێراقێ وه‌كو پێتڤى هه‌ڤكاریا خه‌لكی ناكه‌ت بتنێ ل گوندێ حه‌ردان 200 خانى هه‌بوون پتر ژ 100 خانیان ژلایێ تیرۆرستێن داعش ڤه هاتینه خراب کرن و شه‌وتاندن، هه‌تا نوكه ژى حكومه‌تا عێراقێ خه‌لك قه‌ره‌بوو نه‌كریه، هه‌تا کۆ بشێن خانیێن خۆ ئاڤا بکه‌ن، نوكه ژلایێ رێكخراوان ڤه هه‌تا 50 خانى ل حه‌ردان دهێنه ئاڤا کرن، ئه‌ڤ خانیە دێ ژبۆ رزگاربوویێن ده‌ستێ تێرۆرستێن داعش بن”.
ئاشكرا كر، هه‌مى خه‌لكێ حه‌ردان هێشتا نه زڤرینه سه‌ر مالێن خۆ، دخوازن کۆ هه‌ڤكاریا خه‌لكی بهێته كرن وخانى بۆ هه‌مى وه‌لاتیێن زیانفێكه‌فتیێن شنگال بهێنه ئاڤا كرن”.