د به‌رنامێ حكومه‌تا عيراقێ دا نینه خانیان بۆ خه‌لكێ شنگال ئاڤا بكه‌ت
باسنيوز:
ژ ئەنجامێ هیرشا تیرۆرستێن داعش و هه‌بونا گرووپێن نه‌شه‌رعیى دناڤ شنگال دا 48 هزار خانیێن وه‌لاتیان خرابووینه وپتر ژ 12 هزار وه‌لاتیێن شنگال داخازا قه‌ره‌بووكرنێ كرینه هه‌تا نوكه كه‌س نه‌هاتیه قه‌ره‌بووكرن”.
عومه‌ر عه‌لى ، جێگرى پارێزگارێ نه‌ینه‌وا بۆ كارۆبارێن ئاواره و رێكخراوان بۆ (باسنیوز) راگه‌هاندكوو:” به‌رنامێ حكومه‌تا ئێراقێ دا نینه خانیان بۆ خه‌لكێ زه‌رمه‌ند شنگال ئاڤا بكه‌ت ژ ئه‌نجامێ هیرشا تیرۆرستێن داعش بۆ سه‌ر شنگال ساله 2014ێ هه‌تا نوكه 48 هزار خانیێ خرابووینه و زه‌رمه‌ندبووینه نوكه هنده‌ك رێكخراو به‌رهه‌ڤیان دكه‌ن بچنه شنگال خانیان ئاڤا بكه‌ن لێ یا زه‌حمه‌ت ئه‌ڤ هژمارا خانیان هه‌موو بهێنه ئاڤاكرن”.
جێگرى پارێزگارێ نه‌ینه‌وا بۆ كارۆبارێن ئاواره و رێكخراوان دیاركركو:” رێكخراوه‌ك دێ ب گوژمێ دوو ملیۆن دولاران هارێكاریا شنگال كه‌ت دێ هژماره‌كا خانیان ل قوبیله‌تى چیایێ شنگال بۆ زڤرینا ئاواران ئاڤا كه‌ت هه‌ر وه‌سا ژى رێكخراوا lom ژى هنده‌ك خانیى ئاڤاكرینه بۆ زڤرینا ئاواران ده‌مێ رێكخراوه‌ك خانیى ئاڤا كه‌ت بۆ خێزانه‌كا ئاواره مه‌رج ئه‌وه ئه‌و خێزان ڤه‌گه‌رته شنگال “.
ئاشكه‌را كركوو:” كار سه‌ر بجه ئێنانا به‌رنامێ رێكخراوان هێته كرن بۆ ڤه‌گه‌راندنا ئاوارێن شنگال ب تایبه‌تى ژى خه‌لكێ گرعزێر و سیبا شێخدرى ده‌ڤه‌رێن قوبیله‌تى شنگال ڤه‌گه‌رن ژبه‌ركو خه‌لكه‌كێ گه‌له‌ك كێم زڤریه قوبیله‌تى شنگال نوكه كار یێ هێته كرن ئاواره ڤه‌گه‌رن”.
عومه‌ر عه‌لى ، گۆتژى:” خه‌لكێ شنگال به‌رده‌وام داخوازا قه‌ره‌بوونێ دكه‌ن هه‌تا نوكه دووڤ زانیاریان 12 هزار وه‌لاتیێن شنگال معاملێن خۆ بۆ وه‌رگرتنا قه‌ره‌بووكرنێ پێشكیشكرینه لێ هیشتا كه‌س نه‌هاتیه قه‌ره‌بووكرن “.
ته‌كه‌ز كركو:” هنده‌ك رێكخراوان به‌رنامێ خۆ داناینه بۆ ئاڤه‌دانیا شنگال وئه‌نجامدانا پرۆژه‌یێن خزمه‌تگوزارێ لێ هیشتا ده‌ست بجه ئێنانا به‌رنامه‌یێن رێكخراوان نه‌هاتیه كرن “.
عه‌لى ئه‌لیاس، ئاواره‌یى شنگال یه ل كه‌مپا شاریا سه‌ر قه‌زا سێمیلێ ڤه هاتیه ئاكنجیكرن بۆ (باسنیوز) راگه‌هاندكوو:” ئه‌ڤه پتر ژ ساله‌كێ به‌رده‌وام ل شنگال ریكخراوه سوزا ده‌ن خانیان ئاڤا بكه‌ن وسوزێن خۆ بجه ناهینن چوو هاریكاریا خه‌لكێ ل شنگال ناهێته كرن ره‌وشا گه‌له‌ك خرابه ئه‌م چاڤه‌رى بجه ئینانا ریكه‌فتنا دناڤبه‌را حكومه‌تا هه‌رێما كوردستانێ و ئێراقێ دكه‌ین بۆ ئاساییكرنا ره‌وشا شنگال هه‌ر ده‌مێ پێشمه‌رگه چوو شنگال ئه‌م ژى دێ گه‌ل پێشمه‌رگه‌ى زڤرینه شنگال چونكو دێ پێشمه‌رگه سه‌ر و مالى مه پارێزت دێ ته‌ناهی هه‌بیت”.
باپیر خدر حه‌جى، سه‌رۆكێ باژێرڤانیا شنگال بۆ (باسنیوز) دیاركركوو: ” هه‌تا رێكه‌فتنا شنگال بجه نه‌هیت ده‌ستێ ئاڤه‌دانى ناگه‌هته شنگال ئه‌ڤه نه‌ه سال ته‌مامبوون ل سه‌ر جینۆسایدا شنگال هه‌تا ئه‌ڤرۆكه ژى گرۆپێن نه‌شه‌رعیى ناهێلن ده‌ستێ ئاڤه‌دانى بگه‌هته شنگال “.
سه‌رۆكێ باژێرڤانیا شنگال ئه‌وژى دیاركركوو:” هیزێن چه‌كدار و نه‌شه‌رعیى ل شنگال هه‌نه هه‌تا ئه‌و هێز وچه‌كدارێن نه‌شه‌رعیى ل شنگال بن ئاڤه‌دانى و پرۆژه‌یێن خزمه‌تگوزارى ناگه‌هنه باژێرى ئه‌ڤه بوونه نه‌ه سالن خه‌لكێ شنگال ئاواره هه‌تا نوكه ژى نه‌شین ڤه‌گه‌رن گه‌له‌ك جاران به‌غدا سوز دایه ره‌وشا شنگال ئارام بكه‌ت لێ هیشتا چوو پێنگاڤ نه‌هاتینه هاڤیتن رۆژ بۆ رۆژى ره‌وشێ وێ باژێرى خراب دبیت خه‌لكێ ئاواره‌یێ شنگال باوه‌رى نینه ڤه‌گه‌رنه شنگال “.