سوودانى: په‌ترۆلا هه‌رێمێ زیان ب ئابۆرێ ئیراقێ گه‌هاندییه
گاڤ
سه‌رۆكوه‌زیرێن ئیراقێ راگه‌هاند، راگرتنا په‌ترۆلا هه‌ریمێ زیان ب ئابۆرێ ئیراقێ گه‌هاندییه و دشیان دایه په‌ترۆلا هه‌رێمێ بۆ ژێده‌رێن داهاتى بۆ پیشخستنا پارێزگه‌هێن هه‌رێمێ و بهێزكرنا ئابۆرێ ئیراقێ ببیته جهێ مفایى.
محمه‌د شیاع سوودانى، سه‌رۆكوه‌زیرێن ئیراقێ بۆ ئاژانسا ئه‌نادۆل یا توركى دبێژیت: راگرتنا په‌ترۆلا هه‌رێما كوردستانێ زیانه‌كا مه‌زنه بۆ هه‌مى ئیراقێ، چونكى په‌ترۆلا هه‌رێمێ دشێت ببیته ژێده‌رێ داهاته‌كێ باش بۆ پێشخستنا پارێزگه‌هێن هه‌رێما كوردستانێ و بۆ بهێزكرنا ئابۆرێ ئیراقێ ژى مفایه‌كێ دى یه.
ئاماژه ب وێ یه‌كێ ژى كر دیتنا ژێده‌رێن گونجایى بۆ ده‌ستپێكرنا هنارتنا په‌ترۆلا هه‌رێمێ ده‌ستپێشخه‌رى هه‌بوویه، لێ ئه‌ڤێ یه‌كێ په‌یوه‌ندى ب یاسایان ڤه هه‌یه.
سه‌رۆكوه‌زیر ئاشكراكر، پێدڤییه پرسا په‌ترۆلا هه‌رێما كوردستانێ ب جۆره‌كى بهێته ئێكلاكرن د به‌رژه‌وه‌ندییا هه‌مى گه‌لێ ئیراقێ دا بیت.
