“غه‌در ل شنگال هاته كرن”
باسنيوز:
جێگرێ پارێزگارێ نه‌ینه‌وا دیاركر:” دناڤ سندوقا ئاڤه‌دانیا شنگالێ دا کوژمێ 50 ملیار دینار هاتبوونه دانان لێ نوكه ئه‌ڤ کوژمێ پاره‌ی دێ ل سه‌ر زوممار و ره‌بیعه و ته‌له‌عفه‌ر و به‌عاج و چه‌ندین ده‌ڤه‌رێن دی یێن سه‌ر ب نه‌ینه‌وا هێته بلاڤكرن”.
عه‌لى عومه‌ر، جێگرێ پارێزگارێ نه‌ینه‌وا بۆ (باسنیوز) راگه‌هاند:” غه‌در ل شنگال هاته كرن دسندوقا ئاڤه‌دانیا شنگالێ دا و پێتڤیه پاره دسندوقا ئاڤه‌دانیا شنگالێ دا ب تنێ بۆ شنگال بیت ژبەرکۆ گه‌له‌ك یا هاتیه وێران كرن هه‌تا نوكه خه‌لكێ زیانڤیكه‌فتیێن شنگال نه‌هاتینه قه‌ره‌بو كرن هه‌مى ئاوارێن شنگال ژى هێشتا نه‌شیاینه ڤه‌گه‌رن لێ ڤه‌گه‌ریانا ئاواران ده‌ست پێكریه و پێتڤیه حكوومه‌تا عێراقێ هه‌ڤكاریا خه‌لكی بكه‌ت”.
ئاشكرا كر:” نوكه پاره د سندوقا ئاڤه‌دانیا شنگالێ ب سه‌ر گه‌له‌ك ده‌ڤه‌رێن سه‌ر ب نه‌ینه‌وا دهێته بلاڤكرن و پرۆژه دهێنه ئه‌نجامدان “.