گوندێن ئێزديان ل رۆژئاڤايێ كوردستانێ ڤالانه و گۆڕستان هاتينه وێرانكرن
سه‌ما
ژ به‌هارا سالا 2011ێ ڤه و تا نها, سووریا د قه‌یرانه‌كا دژوار يا شه‌رى و ئالۆزياندايه دايه و زیان گه‌هشتيه هه‌موو پێكهاته‌یێن جڤاكا سووریێ،گرانترین زیان و دژوارترین وێرانكرن ب سه‌ر مله‌تێ كورد دا بارین،ده‌ڤه‌رێن ئێزديان بوونه ئارمانجا گرۆپێن راديكالى و توندره‌و و راستى سته‌م و زۆرداریێ هاتن.
نه‌سيم شه‌مۆ،ڕۆژنامه‌ڤانه‌كێ ئێزدى ل ڕۆژئاڤايێ كوردستانێ بۆ(سه‌ما)گۆت:بزاڤێن رژێما سووريێ ژبۆ ونداكرنا ئۆلا ئێزديان تا ئیرۆ رۆژ ژی دبه‌رده‌وامن،لێ پشتی سالا 2011ێ ئەڤ ره‌وش ل رۆژئاڤايێ سووريێ هاته گوهۆ‌رين, قۆناغه‌كا نوو د پێڤاژۆیا ژبۆ په‌یداكرنا ده‌رفه‌تان ل پێشیا ئێزدیان وه‌كو په‌یره‌وێن هه‌موو ئۆلێن دن ڤه‌بوو دا كو كاربن ب هێسانی ب ئەركێن خوه یێن جڤاكی وئۆلی ڕابن.
ده‌ربارى كاريگه‌ريێن بوهارا عه‌ره‌بى ل سووريێ، نه‌سيم شه‌مۆ ئاشكه‌راكر: ژ به‌هارا سالا 2011ێ ڤه و تا نها, سووریا د قه‌یرانه‌كا دژوار يا شه‌رى و ئالۆزياندايه دايه و زیان گه‌هشتيه هه‌موو پێكهاته‌یێن جڤاكا سووریێ،گرانترین زیان و دژوارترین وێرانكرن ب سه‌ر مله‌تێ كورد دا بارین،بارا پتر ملله‌تێ كورد داگیركرن, كوشتن, ره‌ڤاندن, تالانكرن, شه‌وتاندنا مال و مه‌ودان, كۆچبه‌ركرن, ونداكرن و دزیا شوونواران, گوهۆ‌رينێن د‌يمۆگرافی بوو، په‌یره‌وێن ئۆلا ئێزديان وه‌كو به‌شه‌كێ سه‌ره‌كى ژ پێكهاته‌یێن هه‌رێمێن داگیركری, پتر ژ یێن دن بوونه ئارمانجا زولم و سته‌م و زۆرداریێ ژلايێ گرۆپێن توندره‌و و تيرۆ‌ى ڤه و بترى گوندێن وان هاتن ڤالاكرن و گۆڕستان هاتن وێرانكرن.
شه‌مۆ گۆت ژى پێشه‌مین هه‌رێما كوردی ل رۆژئاڤا, ل 20ێ ئادارا سالا 2018ێ ده, ژ لايێ گرۆپێن له‌شكه‌ری یێن توندره‌و و چه‌كدارێن تيررۆرستى ڤه هاته داگیركرن و هه‌موو پێكهاته‌یێن وێ كه‌تن بن زولم و سته‌ما داگیركه‌ران ده، نه‌خاسمه په‌یره‌وێن ئۆلا ئێزديان.
هه‌روه‌سا خۆياكر؛ئەڤ كریارێن دژوار بوونه سه‌ده‌ما كۆچبه‌ربوونا ته‌ڤایا ئێزدیان ژ هه‌رێمێن عە‌فرین و سه‌رێ كانیێ و پرانیا یێن دى،گوندێن عاموودێ، حه‌سه‌كێ و ده‌ربێسیێ، چ به‌ر ب هه‌رێمێن ل هندورێ سووریێ، و چ به‌ر ب وه‌لاتێن بیانی ڤه، مینا هه‌رێما كوردستانێ و ئە‌ورۆپا ڤه چوون.
هه‌ر ديسان ل گۆڕه‌ى زانياريان گرۆپێن راديكالى رۆژانه پێشيلكاريان د ده‌رهه‌قێ ئێزديان دا ل رۆژئاڤايێ كوردستانێ ئه‌نجام دده‌ن و ئه‌ڤ چه‌ند بوويه ئه‌گه‌ر ژى به‌رده‌وام كۆچ بكه‌نه ده‌رڤه‌ى وه‌لاتى و گونده‌وارێن خۆ بهێلن.
ل دووڤ ئاماران به‌رى سالا 2011ێ هه‌ژمارا ئێزديان ل رۆژئاڤايێ كوردستانێ نێزيكى 35هه‌زار كه‌سان بوو،پشتى شه‌رێ ل سووريێ رووداى هه‌ژمارا وان گه‌له‌ك كێم بوويه.