ناڤەندا نووچەیان – سەما
سەرۆکێ حکومەتا هەرێما کوردستانێ جەژنا ئەکیتۆ و سەرێ سالا نوو ل کلدان، ئاشووری و سریانی يێن کوردستانێ و جیهانێ پیرۆز دکهت.
ئيرۆ چارشەمبوويێ 1ـى نیسانا 2026، مەسرور بارزانی، سەرۆکێ حکومەتا هەرێما کوردستانێ، ل هەژمارا خۆ يا تایبەت ل تۆڕا کۆمەلايهتى يا “ئێکس” پەیامهك بهلاڤ كر و ڕاگەهاند، “پیرۆزباهیيا جەژنا ئەکیتۆ و سەرێ سالا نوو ل خوشك و برایێن کلدان و ئاشووری و سریانی ل کوردستانێ و ههموو جیهانێ پیرۆز دكهم.”
ئهڤ جهژنه كو ب سهرێ سالا نوو یا بابلى و ئاشوورى دئێته ناسین دكهفته ئێكهمین ڕۆژا ههیڤا نیسانێ و ب جهژنهكا نهتهوهیی یا پێكهاتهیێن كریستیان دئێته دانان مێژوویا ڤێ ههلكهفتێ بۆ پتر ژ 5 ههزار سالان بهرى زایینێ دزڤرت.
سالانه كریستیان ل عێراق و ههرێما كوردستانێ ب پۆشینا جلكێن نهتهوهیی و ئهنجامدانا ڕێورهسمێن جودا وهك “رێپێڤانا بنهوشهیی” ڤێ جهژنێ پیرۆز دكهن ئهڤ ئاههنگ گێڕانه بۆ ماوێ 12 ڕۆژان بهردهوام دبن و گهشت و سهیرانان ژى ب خۆ ڤه دگرن ل ههرێما كوردستانێ ژى ژ سالا 1992ێ وهره ب شێوهیهكێ فهرمى و تایبهت ل پارێزگهها دهۆكێ ئهڤ جهژنه دئێته ساخكرن.