ناڤەندا نووچەیان – سەما
ڕێڤهبهريا گشتى يا کاروبارێن ئێزدیان ل وهزارهتا ئهوقاف و كاروبارێن ئايينى ل حكومهتا ههرێما كوردستانێ، ب توندی ڕەفتارا خراب و نهبهرپرسانه ئهوا ژلايێ کەسهكى ڤه ھاتیە کرن دەرھەقێ مير حازم تهحسين بهگ، ل ئێك ژ هۆتێلێن بهرلينا پايتهختا ئهلمانیا شهرمهزار دكهت.
دهقێ بهياننامهيا ڕێڤهبهريا گشتى يا كاروبارێن ئێزديان:
ئەوا ئەڤى گەنجی کرى چ پەیوەندیەک نینە بە بنەما و بەھایێن ئایینێ ئێزديان ڤه، و دەربڕینێ ژ ئهخلاقێ جڤاکا ئێزدی ناكهت کو ب ڕێزگرتنێ بۆ سمبولان و پیرۆزيان ناسیاره. دووپات دكهينه ڤه کو سفكاتيكرن ب میری سفكاتيكرنه ب سمولا ئایینی و نیشتیمانی، کو مێژوو و ناسنامەیا گەلهكى تەمام دكهت.
ھەروەسا ئهم ڕێزێ ل وهڵاتێ ئهلمانیا و گەلێ وێ دكهين، و باوهرى ب دادپەروەری و یاسایێن دادگهها ئهلمانيا ههيه، و داخوازێ ژ دەستهەڵاتێن پەیوەندیدار دکەین کو ڕێکارێن یاسایی يێن پێدڤى دژی تاوانبارى بگرنەبەر، ل گۆڕ ياسايا وى وهڵاتى.
وەکو ڕێڤهبهريا گشتى مه کونسولخانهيا ئهلمانیا ل ھەولێرێ ئاگههداركريه ل سهرڤێ ڕەفتارێ، و مەترسيا ڤێ چهندێ و کاریگەریيێن نەرێنی ل سهر جڤاکا ئێزدی و ل ئهلمانيا ژى ڕۆنكر.
بۆ ھەموو ئهوێن ب بههانهيا نهرازيبوونێ سفكاتيێ دكهن دبێژین:
ڕەخنەگرتن مافهكه، بەلێ سفكاتيكرن لاوازییە. جیاوازی ھێرشێ ناڤهشێرت. میر بتنێ کەسهك نینە، بەلکو سمبولا نەتەوەیەکێ يه، و ئهوێ سفكاتيێ ب ميرى دكهت ب ههموو ئێزديان دكهت.
ئهم ههدار و حهكيمانهيا ميرى ب بەرز و بڵندى دنرخينين و پشتگیریا تەمام بۆ ميرى دووپات دكهين و ههر ئێكى نونهراتيا گهل و ناسنامهيا مه دكهت.