مه‌سروور بارزانى: دڤێت هه‌مى رۆژ رۆژێن پاراستنا ژینگه‌هێ بن
گاڤ
سه‌رۆكێ حكومه‌تا هه‌رێما كوردستانێ د كۆمبوونا ئه‌ڤرۆ یا جڤاتا وه‌زیرێن هه‌رێمێ دا راگه‌هاند، پێدڤى یه هه‌مى رۆژ رۆژێن پاراستنا ژینگه‌هێ بن و هه‌مى بزاڤ بهێنه كرن بۆ پێشڤه‌برنا فه‌رهه‌نگا ژینگه‌هپارێزیێ.
ل گۆره‌ى راگه‌هاندنا ئه‌ڤرۆ یا كۆمبوونا جڤاتا وه‌زیرێن هه‌رێما كوردستانێ، سه‌رۆكوه‌زیران مه‌سروور بارزانى د كۆمبوونێ دا رژدییا حكومه‌تا هه‌رێمێ ل دۆر پرسا ژینگه‌هپارێزیێ نیشاندا و گۆت، پێدڤى یه ژینگه‌هپارێزى ئه‌رك و خه‌ما هه‌مییان بیت و دڤێت ژینگه‌هـ و سروشتێ جوانێ كوردستانێ ب پاقژ بهێته راگرتن.
هه‌روه‌سا سه‌رۆكوه‌زیران مه‌سروور بارزانى باس ل وێ ئێكێ ژى كر، دڤێت وه بكه‌ین، نڤشێن پشتى مه ژى، ب باشى مفاى ژ سروشتێ كوردستانێ وه‌رگرن.
چونكى ئه‌ڤ سروشته ملكێ مه بتنێ نینه و یێ نڤشێن پاشه‌رۆژێ یه ژى، ژبه‌ر ڤێ ئێكێ پاراستن و گه‌شه‌پێدانا ژینگه‌هێ ئه‌ركێ هه‌ر كه‌سه‌كى یه.