ناڤه‌ندا لاوێن شاريا:نه‌بوونا ياريگه‌هـ و هۆلێن گرتى كاريگه‌رى ل بزاڤا وه‌رزشێ كريه
سه‌ما
ناڤه‌ندا لاوێن شاريا ئاماژێ ب وێ چه‌ندێ دده‌ت،ئاستێ وه‌رزشێ ب شێوه‌كى گشتى ل كۆمه‌لگه‌هێ زۆر پێشڤه‌چوويه و دخوازين زێده‌تر هاريكارى و پشته‌ڤانيا وه‌رزشڤانان بێته كرن.
ل كۆمه‌لگه‌ها شاريا سێ ياريگه‌هێن ته‌پاپێ يێن ئه‌هلى يێن بچووككرى هه‌نه،ياريگه‌هـ و هۆلێن وه‌رزشى يێن گرتى يێن حكومى نينن و ڤێ چه‌ندێ كاريگه‌رى ل سه‌ربزاڤا وه‌رزشێ كريه.
زانا غازى،به‌رپرسێ ناڤەندا چالاکی و پێگەهاندنا لاوێن شاریا بۆ(سه‌ما)گۆت:چه‌ندين ياريزانێن كچ كوڕ يێن خودان شيان دبياڤێن جواديێن وه‌رزشێ دا ل كۆمه‌لگه‌هێ هه‌نه و پێدڤى يه پشته‌ڤانى يا وان بێته كرن.
ياريزان ل شاريا زۆرن و نه‌بوونا كه‌لوپه‌لان و هۆلێن گرتى و ياريگه‌هێن وه‌رزشى يێن حكومى بوويه كێشه بۆ وه‌رزشڤانان.
ژبه‌رنه‌بوونا جهى و هاريكاريێ كاريگه‌رى ل سه‌ر ئه‌نجامدانا چالاكيێن وه‌رزشى هه‌بوويه.
دوو ياريگه‌هێن ئه‌هلى و ئێكا ڕێكخراوه‌كێ يێن ته‌پاپێ يێن بچووككرى هه‌نه و كريا وان يا ياريێ بۆ ياريزانان يا گرانه.
ئه‌م دبينن ئه‌گه‌ر هۆل و گۆره‌پان و ياريگه‌هێن حكومى هه‌بان دێ وه‌رزشێ ل ده‌ڤه‌رێ بتر پێشڤه‌چوون بخۆڤه ديتبا.