نووژه‌نكرنا ئاڤاهيێ نڤيسينگه‌هـ و هۆلا لالش ل دێره‌بوونێ دقۆناغا داويێ دايه
سه‌ما
برياره ل دووهه‌فتيێن بێت پرۆژێ نووژه‌نكرنا ئاڤاهيێ نڤيسينگه‌ها لالش و هۆلا لالش ل دێره‌بوونێ ته‌مام بت و بكه‌فته دخزمه‌تا خه‌لكێ ده‌ڤه‌رێ و قادا ڕه‌وشه‌نبيرى دا.
پرۆژه ژلايێ ئيدارا سه‌ربه‌خۆيا زاخۆ ڤه ب ڕێيا ليژنه‌يه‌كێ دئێته بجهئينان و هه‌موو پێدڤيێن ئاڤاهى و هۆلێ بخۆ ڤه دگريت.
رێزان كچل،به‌رپرسێ نڤيسينگه‌ها لالش ل دێره‌بوونێ بۆ(سه‌ما)دياركر؛ب نڤيساره‌كا فه‌رمى پرۆژێ ناڤبرى پێشكێشى گۆهدار شێخۆ سه‌رپه‌رشتيارێ ئيدارا سه‌ربه‌خۆيا زاخۆ كر و ب خۆشحالى ڤه به‌رسڤ ل سه‌ر هاته دان.
گۆت ژى:پرۆژێ نووژه‌نكرنا ئاڤاهيێ نڤيسينگه‌ها لالش و هۆلا لالش يا بيره‌وه‌ريان دقۆناغێن داويێ دايه.
نڤيسينگه‌ها لالش ل كۆمه‌لگه‌ها دێره‌بوونێ تاكه نڤيسينگه‌هه خزمه‌تا جڤاكى ئێزدى دوارێن جودا جودا ل زاخۆ دكه‌ت.
