چالاكڤانه‌ك:كچێن ئێزدى كارينه‌ جڤاكى‌ پێشبێخن

چالاكڤانه‌ك:كچێن ئێزدى كارينه‌ جڤاكى‌ پێشبێخن
سه‌ما
چالاكڤانه‌كا جڤاكى ئاماژێ ب وێ چه‌ندێ دده‌ت،پشتى ئێش و ئازارێن بسه‌رێ كچ و ژنێن ئێزديان دا هاتين ل سالا 2014ێ،ئافره‌تێن ئێزدى نۆكه‌ ل گه‌له‌ك بياڤاندا خزمه‌تێ دكه‌ن و بووينه‌ به‌شه‌ك ژ جڤاكى.

ڤيان ئه‌كره‌م،كچه‌ چالاكڤانا ئێزدى دبياڤێ جڤاكى دا بۆ(سه‌ما)دياركر؛سه‌ره‌راى جينۆسايدا بسه‌رێ ئێزديان دا هاتى ل سالا 2014ێ ل سه‌ر ده‌ستێ تيرۆرستێن داعشێ،كچ و ژنێن ئێزدى قوربانيێن ئێكێ بوون و ل گه‌ل هندێ ئه‌و ئێش و ئازار و نه‌خۆشيێن ديتين نه‌بوونه‌ رێگر ل پێشيا واندا به‌روڤاژى به‌رده‌وام بوون و دبياڤێن جودا جودا خزمه‌تا ئافره‌تێ ب تايبه‌تى و جڤاكى ب گشتى كرن.

چالاكڤانا جڤاكی دبەردەوامیا ئاخفتنێن خۆدا دیاركر؛پشتى جينۆسايدێ ب تايبه‌تى كچێن ئێزدى شيانێن خۆ پێشخستينه‌ و دبياڤێ جڤاكى دا كاركرينه‌ و گه‌له‌ك ژ وان بووينه‌ چالاكڤان ل گه‌ل رێكخراوان كاركريه‌ و هنده‌كان بخۆ ژى رێكخراو دامه‌زراندينه‌ و خزمه‌تا كچ و ژنان دكه‌ن.

ڤيانێ ئه‌و يه‌ك ژى خۆياكر؛كچا ئێزدى ئيرۆ رۆله‌كێ به‌رچاڤ ديتيه‌ و به‌شدارى ل هه‌موو لايان دا كريه‌ ژبۆ پێشڤه‌برنا شيانێن خوه‌ و بووينه‌ به‌شه‌كێ سه‌ره‌كى ژبۆ ئاڤاكرنا جڤاكى ل كۆمه‌لگه‌هێ خۆ دا.

چالاكڤانێ ئاژه‌ ب وێ چه‌ندێ دا ئيرۆ ئه‌م دبينن كچ و ژنێن ئێزدى مل ب ملێ زه‌لامى كار دكه‌ن و چه‌ندين جهێن كارى دبوارێن جۆرا و جۆردا ب ڕێڤه‌دبه‌ن و هاريكاريا خێزانێن خۆ دكه‌ن.