“هه‌موو ئاسانكارى بۆ ئاوارێن ڤه‌دگه‌رنه شنگالێ هاتينه كرن”
باسنيوز:
جێگرێ پارێزگارێ نه‌ینه‌وا دیاركر:” رێڤه‌به‌رییا كۆچ و كۆچبه‌ر و به‌رسڤدانا قه‌یرانان ل پارێزگه‌ها دهۆكێ، هه‌مى ئاسانكاریان بۆ وان ئاواران دكه‌ن یێن کۆ حه‌ز بكه‌ن ڤه‌گه‌رنه شنگالێ “.
عه‌لى عومه‌ر، جێگرێ پارێزگارێ نه‌ینه‌وا بۆ (باسنیوز) راگه‌هاند:” نوكه رێكخراوه‌ك ژى پشته‌ڤانیا وان ئاواران دكه‌ت یێن ڤه‌دگه‌رنه شنگالێ، وه‌زاره‌تا كۆچ و كۆچبه‌رێن عێراقێ یا رژده بۆ دائێخستنا هه‌مى كه‌مپێن ئاواران ل هه‌یڤا بهێت و كه‌مپ دهێنه گرتن سه‌ره‌رایێ وێرانبوونا شنگالێ بەلێ خه‌لك یێ ڤه‌دگه‌رن و ئه‌ز دبینم کۆ ئەگەر ئاواره نەڤه‌گه‌رن دێ گوهۆرینا دیموگرافى ل شنگال دروست بیت له‌ورا گه‌له‌ك گرنگه خه‌لك ڤه‌گه‌رن و حكومه‌تا عێراقێ پتر پشته‌ڤانیا ئاواران بكه‌ت بۆ زڤرینا شنگال”.
ئاشكرا كر:” رێڤه‌به‌رییا كۆچ و كۆچبه‌ر و به‌رسڤدانا قه‌یرانان ل پارێزگه‌ها دهۆكێ هه‌مى ئاسانكاریان بۆ وان ئاواران دكه‌ت یێن حه‌ز بكه‌ن ڤه‌گه‌رنه شنگالێ و ئه‌ڤه كاره‌كێ گه‌له‌ك باشه بۆ ئاواران کۆ دهێته كرن و دخوازین رێكخراو پتر پشته‌ڤانیا ئاواران بكه‌ن بۆ زڤرینا شنگال “.