سه‌ما
ل بەر رۆناهییا فەرمانا مەسرور بارزانی، سەرۆکێ حکومەتا هەرێما کوردستانێ پرۆژێ ڤه‌گه‌ريانا خواندنێ بۆ قوتابيێن ڕزگاربوویێن ژ دەستێ داعش هاته ڕاگەهاندن و ئيساله دێ ده‌ست ب ته‌مامكرنا خواندنێ كه‌ن.
رۆژا چارشه‌مبوويێ 4ى ئيلۆنا 2024ێ، عومەر عەلی، رێڤه‌به‌رێ گشتيێ په‌روه‌ردا پارێزگه‌ها دهۆكێ بۆ سه‌ما ئاشكراكر:ليژنا سه‌رپه‌رشتا قوتابيێن رزگاربووى ل بنگه‌هێ لالش ل دهۆكێ ب مه‌ره‌ما وه‌رگرتنا قوتابيان سه‌ره‌دانا رێڤه‌به‌ريا په‌روه‌ردێ كريه و مه داخوازا ليستا ناڤێن قوتابيان كريه.
گۆت ژى: دگه‌ل ده‌مێ ده‌ستپێكرنا سالا نوو يا خواندنێ( 2024_2025)، دێ ده‌ست ب وه‌رگرتنا قوتابيێن رزگاربووى ئێته كرن و بۆ ڤێ يه‌كێ ليژنه‌يه‌ك هاتيه پێكئينان.
بریارا ئاسانکاریێن تەمامکرنا خواندنا قوتابیێن رزگاربووی ژ دەستێ داعش خالێن ل خوارێ ب خۆڤە گرتینە:-
1_رێدان ژبۆ قوتابیێن رزگاربوویی ژ دەستێ داعش بۆ تەمامکرنا خواندنا خۆ بێ هیچ مەرجەکی.
2_قوتابیێن رزگاربوويی یێن پۆلا نەهێ تەمامکری ل هەموو پەیمانگەهێن حکوومی یێن ب سەر وەزارەتا پەروەردێ ڤە وێ ئێنە وەرگرتن بێ هیچ مەرجەکی.
3_قوتابیێن رزگاربوویی یێن پۆلا نەهێ تەمامکرین وێ ل پەیمانگەهێن ئەهلی ئێنە وەرگرتن بێ بەرامبەر، ئانکو حکوومەتا کوردستانێ وێ تێچوویێن هەر پێنج ساڵێن خواندنێ ب ستۆ خوەڤە گرت.
سەرۆکێ حکوومەتا هەرێما کوردستانێ گەلەک پشتەڤانیا ئێزدیان و هەموو پێکهاتەیێن کوردستانێ دکەت، هه‌روه‌سا هه‌ردوو پرۆژێن پشتەڤانیا دارایی و ڤه‌گه‌ريانا خواندنێ بۆ رزگاربوويان راگه‌هاندن.
ژ ئەنجامێ زولما تيرۆرستێن داعش گەلەک رزگاربوویێن ئێزدى ندكارين بەردەوامیێ بدەنە خواندنا خۆ، نۆکە هەموو رزگاربوویى دكارن بخوونن و ئەڤ پرۆژە دێ گەلەك خزمەتا رزگاربوویان کەت.