وەزیرێ بازرگانی: عێراق دێ 20 ملیار دینارێن دیتر بۆ جۆتیارێن هه‌رێمێ هنێریت
خانى نيوز:
وه‌زیرێ بازرگانییا حکومەتا ھەرێما کوردستانێ راگەهاند، رەوانەکرنا پارێ گەنمێ جۆتیارێن ھەرێما کوردستانێ ژ لایێ بەغداڤە دەستپێکرییە و هه‌تا نوكه شەش ملیار دینار گەهشتینە.
کەمال موسلم، هێشتا دبێژیت: پشتی دیارکرنا رێژا وەرگرتنا گەنمێ جۆتیارێن ھەرێما کوردستانێ ژ جۆتیاران، کو ٧٠٠ ھزار تەنێن گه‌نمینه، نوكه شەش ملیار دینار ھاتینە سەر حیسابا وەزارەتا بازرگانییا حکومەتا ھەرێما کوردستانێ، ژ وان ژی سێ ملیار دینار بۆ سلێمانییێ، ملیاره‌ک و ٥٠٠ ملیۆن دینار بۆ ھەولێرێ و ملیاره‌ک و ٥٠٠ ملیۆن دینار بۆ دھۆکێ، بڕیارە ھاتنا پارێ جۆتیاران یا بەردەوام بێت و د چەند رۆژێن بهێن دا 20 ملیار دینارێن دیتر دێ هێنه هنارتن.