ب پشته‌ڤانى يا سه‌رۆكێ حكومه‌تێ چه‌ندين پرۆژه بۆ ڕزگاربوويان هاتنه ڕاگه‌هاندن
سه‌ما
ب پشته‌ڤانى و هاريكاريا سه‌رۆكوه‌زيرێن حكومه‌تا هه‌رێمێ مه‌سرور بارزانى،هه‌ژماره‌كا پرۆژه‌يان ژبۆ خزمەتکرنا ڕزگاربوویێن ژ دەستێ داعشێ دێ ئێنه بجهئينان.
ل 2/7/2024ێ،پرۆژێ پشته‌ڤانيكرنا دارايى بۆ زێده‌ترى سێ هه‌زار ڕزگاربوويێن ئێزدى ژلايێ سه‌رۆكێ حكومه‌تێ ڤه هاته ڕاگه‌هاندن،كو ب رێيا بنگەهێ لالش وتایی ونڤیسینگەهێن وی ڤە دێ ئێتە جێبەجێکرن.
پرۆژه پێكهاتيه،پێدانا مووچەکێ هەیڤانه بۆ هەر ڕزگاربوویەکا ژ دەستێ داعشێ،ڤەکرنا سەنتەرەکێ دەروونی کو هەموو خزمەتگوزاریێن چارەسەریا دەروونی بخۆڤە دگرت، ژبۆ خزمەتکرن و چاڤدێریەکا بەرده‌وام بۆ ڕزگاربوویان،هه‌روه‌سا هەر ڕزگاربوویەکا پرۆسا خۆ یا خووندنێ ته‌مام بکەت دێ بێ بەرامبەر و بێ چاڤپێكه‌فتن ل پەیمانگەهێن ئەهلی یێن هەرێما کوردستانێ ئێتە وەرگرتن وخواندنا خۆ ته‌مام کەت.
دچارچۆڤێ پرۆژێ پشته‌ڤانيكرنا دارايى كچ و ژنێن ڕزگاربوويێن ئێزدى يێن ل ده‌رڤه‌ى وه‌لاتى ئاكنجى دێ ژ ڤى پرۆژه‌ى مفادار بن.
پرۆژێن بۆ ڕزگاربوويان هاتينه ڕاگه‌هاندن دێ ب شێوێ قۆناغ ب قۆناغ بن و بنگه‌هێ لالش ل دهۆكێ ب ئه‌ركێ بجهئينانێ ڕابت.
