ناڤەندا نووچەیان – سەما
ب فەرمانا سەرۆکێ حکومەتا هەرێما کوردستانێ، هاريكارييا دارایی بۆ ههيڤێن (5 و 6) بسەر ڕزگاربوويێن ئێزدى ژ دهستێ داعشێ دا دێ ئێته دابەش كرن.
خشتەیێ دابەشکرنا هاريكارييا دارایی بۆ ههيڤێن (5 و 6) يێن مەسرور بارزانی، سەرۆکێ حکومەتا هەرێما کوردستانێ، بۆ ڕزگاربوويێن ئێزدی هاته بهلاڤ كرن.
پڕۆسەیا دابەشکرنا هاريكارييا دارایى سبهى ڕۆژا سێشەمبێ ڕێکكەڤتی 28ـی تەممووزا 2026 دەست پێ دکهت و تا ڕۆژا ئينييێ ڕێکكەڤتی 31ـی تەممووزا 2026 دێ بەردەوام بت. دابەشکرن لدووڤ دهم و جهێن دیاركرى ل چەند دهڤهرێن جیاواز بڤى شێوازێ ل خوارێ دێ ب ڕێڤەچت:
قەزا شێخان، هۆلا لالش شێخان – سێشهمبێ 28-7-2026.
ناحیا خانکێ، هۆلا لالش – قەسرێزدین – چارشهمبێ 29-7-2026.
کۆمەلگەها دێرەبوون – هۆلا لالش – پێنجشهمبێ 30-7-2026.
کۆمەلگەها شاریا، هۆلا لالش ئێك – ئينييێ31-7-2026.
پڕۆسەیا دابەشکرنا هاريکارییا دارایی ل ههموو ڕۆژان دا، ل دهمژمێر 10ـی سبێ دەست پێ دکهت.
ئەڤ پڕۆژەیە ماوەیێ بترى دو سالانه ب شێوەیەکی ڕێکوپێک بەردەوامە، بێى چو کێشە و ب شێوەیەکی شەفاف، هاريکاری بسەر ڕزگاربوويان دا دئێته دابەش كرن.
ئەڤ پێنگاڤه د چارچۆڤێ پشتهڤانييا بەردەوام يا سەرۆکێ حکومەتا هەرێما کوردستانێ دئێت بۆ سڤڤكرنا پشكهك ژ بارگرانى و هاريکاریكرنا ڕزگاربوويێن ئێزدی ژ دهستێ داعشێ يه.