ناڤەندا نووچەیان – سەما
ب هەلكەفتا هاتنا جەژنا ڕۆژییێن چلێ هاڤینێ، بابێ شێخ “شێخ عەلی شێخ ئەلیاس” پیرۆزباهییێ ل هۆزا فەقیران دکەت و هیڤی خواست ئەڤ جەژنە ببتە ئەگەرێ خۆرتکرنا بهایێن ئۆلی.
دەقێ پەیاما بابێ شێخ:
ب هەلكەفتا هاتنا جەژنا ڕۆژییێن چلێ هاڤینێ، كو دكەڤتە ڕۆژا شەمبی 25ی تەمموزا 2026، بابێ شێخ “شێخ عەلی شێخ ئەلیاس” جوانترین و گەرمترین پیرۆزباهییێن خۆ ئاڕاستەی هەموو ئێزدییان ژ (هۆزا فەقیران) ل سەرانسەری جیهانێ و زەلامین ئۆلی و هەموو ئەوان کەسێن ڕۆژییێن چلەیێ هاڤینێ (چلەگر) گرتین ب تایبەتی دکەت، و ژ خودایێ مەزن خواست کو ڕۆژی و دوعایێن وان قەبوول بکەت.
ژ خودایێ مەزن دخوازین ئەڤ جەژنا پیرۆز جەژن خێر و بەرەکەت و ئارامییێ بت بۆ هەموویان، و سلامەتی و ساخلەمییێ ببەخشتە هەموویان، و گیانێ حەز ژێکرن و براتییێ د ناڤبەرا جڤاکێ ئێزدی دا بپارێزت.
ئەڤ جەژنە ببتە ئەگەرەک بۆ بتر گرتنا دەستی ب بهایێن ئۆلی یێن ڕەسەن، و بەردەوامبوون ل سەر ڕێباز و داب ونەریت و ئەرکانێن ئۆلا مە یا کەڤنار، وهكو خوه ههى و دێ هەر مينت.