سه‌رۆكێ بنگه‌هێ لالش:پتريا ڕزگاربوويان دێ ژ بريارا وه‌زاره‌تا په‌روه‌ردێ مفادار بن
سه‌ما
سه‌رۆكێ ده‌سته‌يا بلندا بنگه‌هێ لالش ڕاگه‌هاند،بريارا وه‌زيرێ په‌روه‌ردێ و ل ژێر ڕۆژنايا جه‌نابێ سه‌رۆكوه‌زيران مه‌سرور بارزانى،جهێ دلخۆشيا هه‌موو جڤاكا ئێزديانه و دێ پتريا ڕزگاربوويان ژ بريارێ مفادار بن.
دپرێسكۆنفرانسێ ڕۆژنامه‌ڤانى دا دگه‌ل ئالان حه‌مه سه‌عيد،وه‌زيرێ په‌روه‌رده‌يا حكومه‌تا هه‌رێما كوردستانێ،سه‌عيد جردۆ سه‌رۆكێ بنگه‌هێ لالش دياركر، ده‌مێ تيرۆرستێن داعشێ هێرشى شنگالێ كرى زێده‌ترى 6 هه‌زار كه‌سێن ئێزدى ژلايێ تيرۆرستان ڤه هاتنه ره‌ڤاندن و هه‌تا نۆكه 3 هه‌زار و 574 گرتى ب پشته‌ڤانى و هاريكاريا حكومه‌تا هه‌رێما كوردستانێ هاتينه ڕزگاركرن و گه‌له‌ك ژ وان يێن هاتينه ڕزگاركرن قوتابى بوون و ده‌رفه‌ت بۆ نه‌هاتيه ره‌خساندن كو خواندنا خۆ ته‌مام بكه‌ن.
دپشكه‌كا دى يا گۆتنێن خۆ دا سه‌رۆكێ بنگه‌هێ لالش گۆت: ئيرۆ بريارا جه‌نابێ وه‌زيرێ په‌روه‌رێ و ل ژێر رۆژنايا جه‌نابێ سه‌رۆكوه‌زيران مه‌سرور بارزانى ده‌ركريه،بوويه جهێ دلخۆشيا مه هه‌موويان وه‌ك جڤاكا ئێزدى و بنگه‌هێ لالش ب تايبه‌تى كو بڤى كارى ڕابوويه.
هه‌روه‌سا ئاشكه‌راكر:ژماره‌كا زۆر يا رزگاربوويان دێ مفادار بن ژڤێ بريارێ و به‌رده‌واميێ ب خواندنا خۆ ده‌ن.
سه‌عيد جردۆ گۆت ژى:سوپاسدارێن حكومه‌تا هه‌رێمێ نه و ب تايبه‌ت جه‌نابێ سه‌رۆكوه‌زيران هيچ دريغيه‌ك بۆ پێكهاتێن كوردستانێ و ب تايبه‌ت ئێزديان نه‌كريه.