ناڤەندا نووچەیان – سەما
ب مهرهما ڕێكخستنا ڕێورهسمێن زێوا مەمێ شڤان، نوونەرێن گوندێن خانکێ كۆم بوون و و چەند بڕیار و ڕێنماییێن گرنگ بۆ سەرکەفتنا توافێ دان.
دوهى ڕۆژا ئینیێ 9ـى ئهيارا 2026، ب ئامادەبوونا نوونەرێن گوندێن خانکێ، کۆمبوونەکا تایبەت ل دۆر ڕێکخستنا ڕێوڕەسمێن توافا زێوا مەمێ شڤان هاتە ئەنجامدان.
لژنا سەرپەرشتا توافا زێوا مەمێ شڤان ڕاگەهاند، ئارمانج ژ ڤان بڕیاران پاراستنا ڕێوڕەسمێن ئۆلی، ڕێکخستنا باشتر یا توافێ و دابینکرنا ئارامی و ڕێک و پێکییە بۆ هەموو بەشداربوویان.
بڕيارێن بۆ توافێ هاتينه دان:
-پیگیری کرن ب جل و بەرگێن ئێزدیان ل رێ و رەسمێن ئۆلی و تواف و هەلکەفتان.
-ل دەمژمێر (٩:٣٠) سبێ دێ رێ رەسمێن پەریێن خاس و چاکا ئێنە سوارکرن.
– ل دەمژمێر (١٠:٣٠) سبێ دێ رێ و رەسمێن سماتێ ئێنە گێران.
-قەدەغەکرنا دانانا مەشروبێ ل رۆژێن توافا و هەلکەفتێن ئۆلی .
-قەدەغەکرنا کەساێن خوازخوازۆک و گەریۆک و پارسەکەران ل رۆژا توافێ .
-رێکخستنا رێکا هاتن و چۆنێ ل رۆژا توافێ کو رێکا چۆنێ دبتە یا ل دەف هۆلا لالش قەسرئێزدین و رێکا زڤراندنێ دێ بتە یا رێکا کەڤن ئەڤ چەندە ژی ب ههماههنگى دگەل پۆلیسێن هاتن و چۆنێ و دەزگەهێن ئەمنی.
-ههماههنگى دگەل لایەنێن ئەمنی ئاسایش و پۆلیس ژ بۆ رێکخستنا رێ رەسمێن توافێ.
– رێکخستنا دیلان و رێ و رەسمێن توافێ و داخوازێ ژ هەموو خەلکێ خوە دکن دهاریکار بن ژ بۆ سەرکەفتنا رێ و رەسمان .
– داخوازێ ژ دەزگەهێن راگەهاندنێ دکەن پێگیریێ ب بەلاڤکرنا دیمەنێن گونجای بکەن و هەر دەزگەهەکی راگەهاندنێ دیمەنێن نە گونجای بەلاڤ بکەت دێ پێرابوونێن یاسایێ دژی وان ئێنە ئەنجامدان.