ناڤەندا نووچەیان – سەما
ئيرۆ پينج شه‌مبوويێ 12-12-2024، ڤيان ده‌خيل، په‌يڤدارا فراكسيۆنا پارتى ديموكراتى كوردستان ل ئه‌نجوومه‌نێ نوونه‌رێن عيراقێ راگه‌هاند، پرۆسه‌يا ده‌رخستنا كارتا نيشتيمانى بۆ ئاواره‌يێن شنگالێ ل كه‌مپان ده‌ستپێكر.
ڤيان ده‌خيل، په‌يڤدارا فراكسيۆنا پارتى ديموكراتى كوردستان راگه‌هاند، ل رۆژێن شه‌مبوو،ئێك شه‌مبوويێ يێن داهاتى دێ ده‌ست ب تۆماركرنا ناڤێن ئاواران ل كه‌مپان ئێته كرن بۆ ده‌رخستنا كارتا نيشتيمانى.
گۆتژى: ل ده‌ستپيكێ ل كه‌مپا شاريا دێ ده‌ست ب ڤێ پرۆسێ ئێته كرن و ئه‌ڤ پێنگاڤه ژبۆ هندێ ئاسانكارى پتر بۆ ئاواره‌يان بێنه كرن ڤێ به‌لگه‌نامه‌يا فه‌رمى بده‌ستخۆڤه‌بينن.
پێشتر ئاواره‌يێن شنگالێ ل كه‌مپان ژبۆى ده‌رخستنا كارتا نيشتيمانى سه‌ره‌دانا ده‌ڤه‌رێن خۆ يێن ره‌سه‌ن دكرو دووراتيا جهى و كاودانێن ئێمناهيێ و كارگێرى يێن ئالۆز ئاسته‌نگ بۆ ئاواره‌يان دروستكريه.
ئه‌ڤ ده‌ستپێشخه‌ريا ل كه‌مپان پێنگاڤه‌كا گرنگ بوويه بۆ باشتركرنا ره‌وشا ئاواره‌يان و گه‌ره‌نتيكرنا مافێ وان يێ ياسايى دچارچوڤێ وان ئاسته‌نگێن دبينن.