ناڤەندا نووچەیان – سەما
ل گۆڕستانا حه‌جى عه‌لى ل ناحيا باعه‌درێ جهێ ڤه‌شارتنا مريان نه‌مايه و رێڤه‌به‌ريا گشتى يا كاروبارێن ئێزديان ل دۆر ڤى بابه‌تى هاتيه ده‌نگ.
پێنج شه‌مبوويێ 12ى كانوونا ئێكێ 2024ێ، جه‌عفه‌ر سمۆ، رێڤه‌به‌رێ كاروبارێن ئێزديان ل دهۆكێ بۆ سه‌ما گۆت:” كێشه‌يا نه‌بوونا جهێ ڤه‌شارتنا مريان ل گۆڕستانا حه‌جى عه‌لى گه‌هشتيه وان و رێڤه‌به‌ريا گشتى يا كاروبارێن ئێزديان دێ به‌رنامه‌كى بۆ نووژه‌نكرن و به‌رفره‌هكرنا گۆڕستانان دانێت”.
ديار ژى كر، گۆڕستانا حه‌جى عه‌لى لدووڤ به‌رنامه‌كێ دياركرى دێ ئێته نووژه‌نكرن و به‌رفره‌هكرن.
ب ئه‌گه‌رێ به‌رته‌نگبوونا جهى ل گۆڕستانا ناڤبرى، خه‌لكێ ده‌وروبه‌رێن باعه‌درێ مريێن خۆ ل ده‌ڤه‌رێن دى ڤه‌دشێرن.