ناڤه‌ندا نووچه‌يان – سه‌ما
ل سەر بوودجەیا حكومه‌تا هه‌رێما كوردستانێ، هه‌ژماره‌كا پڕۆژه‌يێن نوو يێن خزمه‌تگۆزارى دێ ل كۆمه‌ڵگه‌ها شاريا سه‌ر ب پارێزگه‌ها دهۆكێ ئێنه ئه‌نجامدان.
ئيسماعيل سلێمان، سه‌رۆكێ باژێرڤانيا شاريا، ئيڕۆ 17-6-2025، بۆ سه‌ما ڕاگه‌هاند: ل نێزيك ده‌ست ب ئه‌نجامدانا هه‌ژماره‌كا پڕۆژه‌يێن نوو يێن خزمه‌تگۆزارى ل كۆمه‌ڵگه‌ها شاريا دێ ئێنه كرن.
گۆتژى: ئه‌ڤ پڕۆژه‌يێن كو دێ ئێنه چێكرن جادده‌يێن ناڤخۆيى و باخچه‌يه‌كى گشتى ب رووبه‌رێ سێ هه‌زار مه‌تران، دگه‌ڵ نافۆرێن ئاڤێ بخۆڤه دگرت.
دا زانين ژى، ئێك ژ پڕۆژه‌يێن دى جاددا جووتسايدێ ناڤا كۆمه‌ڵگه‌هێ دێ ئێته چێكرن وهاتنوچوونا خه‌ڵكێ پتر ب ساناهى كه‌ڤت.
د كابینەیا نه‌هێ دا، ڕێزدار (مەسرور بارزانی) سەرۆكی حكومەتا هەرێما كوردستانێ، ڕاگەهاند: سیاسەتا مە دێ وه‌سا بت، كو ب تنێ گرنگيێ ب سەنتەرێ باژێران ناده‌ين، بەڵكو گرنگييه‌كا زێده‌تر ب قەزا و ناحیە و گوندان دێ دەین.