ناڤه‌ندا نووچه‌یان – سه‌ما
جڤاتا ئێزديێن سووريێ دپه‌يامه‌كێ دا، سوپاسيا سه‌رۆك بارزانى كر بۆ ڤهگوهاستنا سێ گه‌رێن ئێزديێن سووريێ ژ لوبنانێ بۆ هەرێما كوردستانێ و دابينكرنا ژيانەكا باش بۆ وان.
ده‌قێ په‌ياما جڤاتا ئێزديێن سووريێ تێدا هاتيه:
د ڤان دەمێن دژوار دا كو لوبنان تێدا دەرباز دبت، ژ ئەگەرێ شەڕێ داويێ و ئەو كارتێكرنێن نەرێنى يێن ل سەر هەموو ئاستان، ئەم سوپاسى و پێزانينێن خۆ پێشكێشى هەموو كەسێن كو بەشدارى د سەركەفتنا پرۆژەيا ڤەگوهاستنا سێ گه‌رێن ئێزدييێن سووريێ ژ لوبنانێ بۆ هەرێما كوردستانا عيراقێ دكەين. ژ بۆ پاراستنا ئەوان و دابينكرنا ژيانەكا باش بۆ وان، كو هژمارا وان گەهشتيە (250) كەسان.
ئەم سوپاسيێن خۆ يێن گەرم پێشكێشى جەنابێ سەرۆك مەسعود بارزانى دكەين، يێ كو سەلماند كو ئەو رێبەرەكێ دێرۆكييە و خودانێ شەهرەزاييەكا تايبەت و هەستەكێ كويرە د وارێ بەرپرسياريەتيێ دا بەرامبەر گەلێ خۆ. بەرسڤا وە يا مرۆڤايەتى و پشتەڤانيا وە يا گرنگ بۆ ڤى پرۆژه‌ى د دەمەكێ هەستيار دا كو هەڤدەمە دگەل دەستپێكرنا بۆمبەبارانكرنا لوبنانێ، نيشانا سەركردايەتيا وە يا ژير و گرنگيپێدانا وە يا بەردەوامە ب هەموو پێكهاتێن كوردستانێ، ب تايبەت ئێزديان كو بەشەكێ رەسەنن ژ پێكهاتا هەرێمێ.
هەروەسا ئەم سوپاسيێن خۆ پێشكێشى دكتۆر خاليدە خەليل دكەين، يا كو ئەركێ پێشكێشكرنا پرۆژا مرۆڤايەتى بۆ سەرۆك بارزانى گرتە سەر ملێن خۆ، كو بوويە ئەگەرێ ڤێ سەركەفتنا مەزن.
ئەم هەروەسا سوپاسيا تيما كارى يا دلسۆز دكەين يێن كو ب شەفافى و ئەمانەت و دوير ژ روناهيێ و پرۆپاگەندێن ناڤودەنگى كار كرن، چ د حكومەتا هەرێما كوردستانا عيراقێ دا يان د ناڤ جڤاتا ئێزديێن سووريێ دا، يان رێڤەبەريا كەمپێ كو رۆلەكێ گرنگ هەبوو د ئاسانكرنا جێبەجێكرنا پرۆژێ دا، ب تايبەت ده‌زگه‌هێ خێرخوازيێ بارزانى.
جارەكا دى سوپاسيا هەموو كەسێن كو بەشدارى د گەهاندنا ڤێ پرۆژێ بۆ دويماهيكێ كرين دكەين و بهايێ هەموو بزاڤان ددەين يێن كو هاتينە دان ژ بۆ دابينكرنا داهاتويەكێ باشتر بۆ ئێزديان.