ناڤەندا نووچەیان – سەما
سەرۆک بارزانی داخوازێ ل مەزلووم عەبدی دکەت، ل گەل حکومەتا سووریا پابەندی ڕێککەفتنا دناڤبەرا واندا بن، هەڤدەم سەرۆک بارزانی داخواز کر، ل قۆناغێن بێن و د دەستووری دا مافێن گەلێ كورد ل سووریا د پاراستی بن و بێنە چەسپاندن.
ل ڕۆژا ئینیێ 6ی شووباتا 2026، ل پیرمام سەرۆك مەسعود بارزانی پێشوازی ل مەزلووم عەبدی فەرماندێ هێزێن سووریا دیموكرات كر.
د دیدارێ دا بەحس ل بارودۆخێ ڕۆژئاڤا و هەروەسا جێبەجێکرنا ڕێککەفتنا دناڤبەرا حکومەتا سووریا و هەسەدێ و داوی پێشهاتێن سووریا هاتە کرن.
سەرۆک بارزانی داخواز کر کو هەردوو لایەن پابەندی جێبەجێکرنا خالێن وێ ڕێککەفتنێ بن، و هەروەسا هەماهەنگی د ناڤبەرا هەموو لایەنان دا هەبت، داکو د قۆناغێن بێت دا و د دەستووری دا، مافێن گەلێ کورد ل سووریا د پاراستی بن.