گوندێ خەتارێ وفلكلۆر
ئلیاس نعمو خەتاری
گوندێ خەتارێ ژگوندێن مێژوویە وگەلەك یی كەڤنە ، ل خەتارێ هەتا ئیرۆ رۆژ یە دیارە كو گەلەك ئاڤاهیێ كەڤن لێ هەنە ( قەسر ) ودنگ وئاش وكەل وپەلێن كەڤن لێ هەنە ، قەهوا حەگی ڤێرس باشترین نمونەیە بو ڤێ چەندێ كو بتریا پیرە مێرێن خەتارێ ل ڤی جیهی خرڤەدبن ، كۆ جلوبەركێن وان وگۆپال وسومبێل وبەحس وخەبەرێن وان وسەرهاتیێن دونایێ هەمو فلكلۆرە ، هەردیسان خەلكێ خەتارێ جل وبەرگێن كەڤن پاراستینە ودئێنە دیاركرن ل رۆژێن جەژن وشەهیانان تایبەت جل و بەركێن ئافرەتا ئێزدر ( كومك و رەشك ومێزەرك ودەرزیك ).
ئیرۆ گوندێ خەتارێ دگەل پێشكەفتنا سەردەمییا دونایێ یە لەوما ئەف فلكلۆر وكەلەپورێ باب وكالا هاتیە پارستنە ژ نەمانێ ، سەنتەرێ خەتارێ یێ رەوشەنبیری ئەڤە كەفتە سالا پێنجێ ژ ژیێ وی وژبلی چالاكیێَن هەما جۆرێن سەنتەری مۆزەخانەكا رێك وپێك رێكخستیە كو پێك هاتیە ژ ژمارەكا زۆر باش ژ كەل وپەلێن كەڤن ئەوێن باب وكالان بكاردئینا ژبۆ ب رێڤە برنا ژیانا خۆیا وی دەمی ، دڤێ مۆزەخانێدا جێنجەرەكا كەڤن هەیە وچەندین ئامیرێن چاندنیێ وئامادەكرنا خوارنێ وجل بەركێن كەڤن.
هەردیسا فەرە بێتە گۆتن كو ل خەتارێ باشترین كەل وبەلێن كالۆكی دهاتنە چێكرن وەكی دەنك وجەرك وكەدونك وكلۆسك وپراغێن ناف مالێ ، هەر دیسا لالشا خەتارێ مۆزەخانەك پێك ئینانیا وكۆمەكا كەل وپەلێن هەما جۆر لێ هەنە ئەڤ چەندە ژبۆ خزمەتا پارستنا كەلەپورێ باب وكالا ژ وندا بوونێ .