ب بریارا مەسرور بارزانی ده‌ربارەی باجێ چەندین بڕیار د بەرژەوەندییا وه‌لاتییان دا هاتنه‌دان
سه‌ما
ب بڕیارا سەرۆکێ حکومەتا هەرێما کوردستانێ وەرگرتنا چەند جۆرە باجان هاته راگرتن و رێڤەبەرێ گشتییێ باج و دەرامەتان ل وەزارەتا دارایی چەند زانیاری دیاركرن.
کەمال وەرتی، رێڤەبەرێ گشتییێ باج و دەرامەتی ل حکومەتا هەرێما کوردستانێ د کۆنفرانسه‌كێ رۆژنامەڤانی دا دیار كر: ب بڕیارا مەسرور بارزانی، سەرۆکێ حکومەتا هەرێما کوردستانێ بڕیار هاته‌دان ب راگرتنا وەرگرتنا %10 ێ یا باجێن سەر خوارنگه‌هـ و ئۆتێلان و باجا ل سەر نانپێژا و سەمونخانان.
ناڤهاتی گۆت ژی: هەروەسا ب بڕیارا سەرۆکێ حکومەتێ، %5 ێ یا باجا ل سەر نەخۆشخانێن ئەهلی دێ هێته راكرن و ئه‌ڤ بڕیارێن سەرۆکێ حکومەتێ دێ لڤینێ ئێخنە بازاڕی و هه‌موو بڕیار ژی د بەرژەوەندییا وه‌لاتییێن هەرێما کوردستانێ دانە.