ناڤەندا نووچەیان – سەما
دوهى ڕۆژا سێ شهمبوويێ 26-8-2025، ڕووفاتێن ژنهكا ئێزدى قوربانيیا دهستێ داعشێ ل دهڤهرا شهرائع دناڤبهرا قهزا تهلهعفهر و شنگالێ دا هاتنه ديتن.
داى غهزال ئاودى خهلهف، خهڵكا گوندێ حهردانه ل شنگالێ، ل دهمێ تيرۆرستێن داعشێ دهست بسهر شنگالێ دا گرتى ل 3ى تهباخا 2014، ژلايێ تيرۆرستان ڤه هاته ڕهڤاندن.
ل دهمێ بزاڤا ڕهڤينێ كرى و خۆ ڕزگار بكهت، ب ڕێڤه ل ڕێيا دناڤبهرا تهلهعفهر و شنگالێ دا گيانێ خۆ ژ دهستدا.
پشتى 11ساڵان ڕووفاتێن وێ هاتنه ديتن و دێ ل شنگالێ ئێنه ڤهشارتن.
شنگال بهرى 11 ساڵان ژلايێ ڕێكخراوا داعش يا تیرۆرستى ڤه هاته داگیركرن و ب سهدان هزار ئێزدی ئاوارەبوون و ب هزاران كچ و ژن و زارۆك ژلایێ وێ ڕێكخراوێ ڤه هاتنه ڕهڤاندن، كو تا نوكه چارهنڤيسێ پترى دوو هزار رهڤانديان يێ ديار نينه.
نوكه حكومەتا هەرێما كوردستانێ بزاڤێن خۆ زێدهتر كرينه بۆ ڕزگاركرنا ڕهڤانديان و خزمهتكرنا ئێزديان.