ب بڕیارا سه‌رۆكێ حكومه‌تێ ،پارچە ئەرد دێ ب سەر فەرمانبەرێن ماددێ 140 ژی ئێنە بەلاڤکرن
سه‌ما
ب بڕیارا مەسرور بارزانی، سەرۆكێ حكومەتا هەرێما كوردستانێ پارچێن ئەردی ب سەر فەرمانبەران و خانەنشینێن حكومه‌تا هه‌رێما كوردستانێ ل سنوورێ ماددێ 140ـێ یێ دەستووری و دەڤەرێن كوردستانێ ل دەرڤەیی ئیدارەیا هەرێما كوردستانێ دێ ئێنە بەلاڤكرن.
ساسان عەونی، وەزیرێ باژێرڤانی و گەشتوگوزارێ یا حكوومه‌تا هه‌رێما كوردستانێ دياركر، ڕێزدار مەسرور بارزانی، سەرۆكێ حكوومەتا هەرێما كوردستانێ فەرمان كر و ڕاسپاردن بۆ وێ چەندێ کۆ كارێ پێڤی بهێتە ئەنجام دان ب پێدانا زەڤی بسەر فەرمانبەر و خانەنیشینێن حكوومەتا هەرێما كوردستانێ كۆ خودانێ كارتا زانیاريیا دەڤەرێن مادێ 140ێ دەستوور و دەرڤەی ئیدارەیا هەرێما كوردستانێنە.
ساسان عەونی، وەزیرێ باژێرڤانی و گەشتوگوزارێ دەربارێ جێبەجێكرنا بڕیارا سەرۆكوەزیران، ڕاگەهاند، مە نڤیسار ئاراستەی هەموو وەزارەت و دەستە و فەرمانگە و دامودەزگەهێن حكوومەتا هەرێما كوردستانێ كریە بۆ وێ چەندێ کو پاڵپشت ب ڕەزامەندییا ڕێزدار جەنابێ سەرۆكوەزیران، كارێ پێتڤی ئەنجام بدەن.
ئاماژه ب وێ چه‌ندێ دا هه‌موو دامودەزگەهێن حكوومەتا هەرێما كوردستانێ هاتينه راسپاردن ب پێدانا فۆڕما زەڤیان بۆ فەرمانبەران و خانەنشینێن حكوومەتا هەرێما كوردستانێ كۆو خودانێ كارتا زانیاری یا دەڤەرێن مادێ(140)ێ دەستوور و دەرڤەی ئیدارەیا هەرێما كوردستانێنە،دگەل لیستا وەزارەت و دەستە و فەرمانگە و دامودەزگەهێن نەگرێدایی ب وەزارەتێ بهێتە بلندکرن و پشترە وەزارەتا باژێرڤانی و گەشتوگوزارێ جهێ وەرگرتنا زەڤیان بۆ ل نزیكترین جهێ ئاکنجیبوونێ یان هەبوونا زەڤیێن بەردەست دەستنیشان بکەت.