سه‌ما
فه‌رمانبه‌رێن گرێبه‌ستێن فه‌رمانگه‌ها كاره‌با شنگالێ خرڤه‌بوونه‌كا نه‌رازيبوونێ ئه‌نجامدان و بايكۆتا ده‌وامێ راگه‌هاندن.
ئێك شه‌مبوويێ 10ى تشرينا دووێ 2024ێ، جه‌لال ره‌ڤۆ، ئێك ژ فه‌رمانبه‌رێن فه‌رمانگه‌ها كاره‌با شنگالێ بۆ سه‌ما راگه‌هاند: ئه‌ڤه ماوێ پێنج سالانه ئه‌م وه‌كو هه‌ژماره‌كا فه‌رمانبه‌ران ب شێوێ گرێبه‌ست هاتينه دامه‌زراندن، ئه‌ڤه چه‌ندين جاران دخوازين ببينه هه‌ميشه‌كرن لێ بێ به‌رسڤ بوويه و وه‌زيرێ كاره‌بێ ژى يێ حكومه‌تا عيراقێ سۆزا خۆ ل گه‌ل مه بجهنه‌ئينا.
جه‌لال ره‌ڤۆ دبێژيت: ئه‌گه‌ر داخوازيێن وان نه‌ئينه بجهئينان دێ ل سه‌ر بايكۆتكرنا ده‌وامێ دبه‌رده‌وام بن و ب ئه‌ركێ خۆ ڕانابن.
ناڤبرى خواست ب زووترين ده‌م كێشه‌يا ئه‌وان بێته چاره‌سه‌ركرن و مافێن وان به‌رزه نه‌بن و وه‌كو هه‌موو فه‌رمانبه‌ران ب دامه‌زرينن.