سه‌ما
ميرێ ئێزديان و وه‌زيرێ په‌روه‌رده‌يا هه‌رێمێ ل هه‌ولێرا پايته‌خت كۆمبوون، هه‌ردوو ئاليان دوپاتى ل پێشڤه‌برنا پرۆگرامێ ئێزدياتيێ كر.
ئيرۆ رۆژا چارشه‌مبوويێ 14ى ته‌باخا 2024ێ، مير حازم ته‌حسين به‌گ ميرێ ئێزديان ل كوردستان و عيراقێ و جيهانێ، هه‌ڤديتنه‌ك دگه‌ل ئالان حه‌مه سه‌عيد، وه‌زيرێ په‌روه‌ردێ يێ حكومه‌تا هه‌رێما كوردستانێ ئه‌نجامدا.
دپه‌راوێزا هه‌ڤديتنێ دا، ميرێ ئێزديان جه‌خت ل سەر گرنگیا هەڤکاریێ دناڤبەرا ئه‌نجومه‌نێ روحانى يێ بلند يا ئێزدیان و وەزارەتا پەروەردێ یا حکومەتا هەرێما کوردستانێ دا کر.
ژ ئاليه‌كێ دى ڤه، ميرى دوپاتى ل سەر گرنگیا پێشڤەبرن و نووكرنا پرۆگرامێ ئێزدیاتیێ کر، د کو دگەل پێشکەفتنا جڤاکا ئێزدى بگونجت.
هەروەسا وى جەخت ل سەر گرنگیا بەلاڤکرنا بەهایێن حەزژێکرنێ و ئاشتیێ و پێکڤەژیانێ د هەموو قوناغێن خواندنێ دا کر.