سه‌ما
ب پشته‌ڤانى يا حكومه‌تا هه‌رێما كوردستانێ و خێرخوازێن ئێزديان ،كار ل سه‌ر نووژه‌نكرنا مەزارگه‌هـ و نیشانگەهێن پەرستگەها لالش دئێته كرن.
ئه‌ندازيار خێرى كدى،ئێك ژ سه‌رپه‌رشتيارێن نووژه‌نكرنا په‌رستگه‌ها لالش بۆ سه‌ما دياركر،ئه‌ڤه نێزيكى هه‌شت سالانه ده‌ست ب پرۆژه‌يێ نووژەنكرن و سەخبێریا پەرستگەها لالش ل سەر شێوازی كەڤنار هاتيه كرن، نۆكه كار ل سه‌ر مه‌زارگه‌هێن خاتوونا فه‌خرا و كۆچه‌ك برهيم و جيێ دادان و فڕینا فڕۆكەیێن و چه‌ند كارێن ديتر ل ناڤا په‌رستگه‌هێ دئێنه كرن و گۆت:40%پرۆژه هاتيه ئه‌نجامدان.
ئاشكه‌راكر: پڕۆژەیێ نووژەنكرنا پەرستگەها لالش ل سەر شێوازێ كەڤنار یا بەردەوامە و حكومەتا هەرێما كوردستانێ و ئەمریكا و ئيدارا نەینەوا و رێكخراو و خێرخوازێن ئێزدی پشتەڤانیا پڕۆژەی دكەن.
ل ده‌ستپێكا راگه‌هاندنا پرۆژه‌ى ميرێ ئێزديان بريار دا مەزارگه‌هـ و نیشانگەهـێن ل په‌رستگه‌ها لالش ل سه‌ر شێوازێ كه‌ڤنار بێنه نووژه‌نكرن كو ديرۆك و شوونواريا لالش ڤه‌گه‌رينته ڤه و نابت ده‌ستكارى ل هێما و پيرۆزيان بێته كرن.
كابینا نەهێ یا حكومەتا هەرێما كوردستانێ گەلەك گرنگی دایە خزمەتكرنا پەرستگەها لالش و چەندین پڕۆژە لێ بجهئیناینە،ژوانژى باشترین كارگەها چێكرنا زەیتا زەیتونان هاتیە چێكرن.