ناڤەندا نووچەیان – سەما
شیره‌تكارێ محه‌مه‌د شیاع سوودانى، سه‌رۆكوه‌زیرێن عیراقێ بۆ كاروبارێن ئێزديان راگه‌هاند، 14 هه‌زار و 500 خانى ل شنگالێ دێ ئێنه تاپۆكرن.
ل رۆژا شه‌مبوويێ 14ى كانوونا ئێكێ 2024ێ، د. خه‌له‌ف شنگالى، شیره‌تكارێ محه‌مه‌د شیاع سوودانى، سه‌رۆكوه‌زیرێن عیراقێ بۆ كاروبارێن ئێزديان راگه‌هاند: 14 هه‌زار و 500 خانى دێ ل شنگالێ ئێنه تاپۆكرن، ئه‌ڤ بڕیاره ل سه‌رده‌مێ رژێما به‌عس هاتبوو دان كو نابت ئێزدى خانیێن خۆ ل سه‌ر ناڤێن خۆ تاپۆ بكه‌ن.
ئاشكراكر: ل سه‌ر ده‌مێ رژێما به‌عس د چارچۆڤێ گوهۆڕینا دیمۆگرافیا ده‌ڤه‌رێ دا رێك نه‌دهاته دان ئێزدى خانیێن خۆ تاپۆ بكه‌ن.
د. خه‌له‌ف شنگالى دوپاتكر، نۆكه پرۆسه‌يا تۆماركرنا ناڤان و ده‌رخستنا تاپۆيێ ده‌ستپێكرييه و خانى ب ناڤێ خودانێن وان دێ ئێنه تاپۆكرن.
ب گۆڕه‌ى ئاماره‌كا نەتەوەيێن ئێكگرتى، ژبه‌ر هێرشێن داعشێ و داگيركرنا قه‌زايا شنگالێ 80%ێ یا ژێرخانا شنگالێ ژناڤچوویه و 70%ێ ژى خانى هه‌رفتینه.