ناڤهندا نووچهيان – سهما
ناڤەندا ڕەڤەندا کوردستانی ل باژارێ ڤێنلۆ – هۆلەندا ڤیستەڤالا هاڤینێ یا کهلتوور و کەلەپوورێ کوردی ل دارخست.
د ڤيستهڤالێ دا، چەندین گۆتار، هەلبەست و کەلوپەلێن کەلتووری و سترانێن کوردی یێن ڕەسەن و نمایشکرنا جلوبەرگێن کوردی یێن جوان و بەدەو یێن کچ و کوڕان هاتنه پێشکێش کرن.
نادر دۆغاتی، سکرتێرێ کۆمیتەیا گشتی یا کۆنفیدراسیۆنا ڕەڤەندا کوردستانی بۆ سهما دياركر، دوهى ڕۆژا ئێك شهمبوويێ 31ـى ئهيارا 2026، ب سەرپەرشتیيا کۆنفیدراسیۆنا ڕەڤەندا کوردستانی و ب ئامادەبوونا چەندین كهساتييێن كورد و مێڤانێن هۆلهندی، ناڤەندا ڕەڤەندا کوردستانی ل باژارێ ڤێنلۆ – هۆلەندا ڤیستەڤالا هاڤینێ یا کهلتوور و کەلەپوورێ کوردی ل دارخست.
سکرتێرێ کۆمیتەیا گشتی یا کۆنفیدراسیۆنێ گۆتژى: د ڤيستهڤالێ دا چەندین گۆتار، هەلبەست، کەلوپەلێن کەلتووری، سترانێن کوردی یێن ڕەسەن و نمایشکرنا جلوبەرگێن کوردی یێن جوان و بەدەو یێن کچ و کوڕان، هەروەسا گۆڤەند و دیلانا کۆما ئازادی یا هۆلندا هاتنه پێشکێش کرن بۆ دەمێ شەش دهمژمێرا و ب سەدان خێزانێن ڕەڤەندا کوردستانی د ڤێ ڤیستەڤالێ دا بەشدار بوون و كهشوههوايهكى پڕ شادو کامیران و ب چەپلە قوتان و گۆڤەند و دیلانێن کوردەواری ب شاد و شاهی ڕۆژا خۆ دەرباز کرن ب نیڤرۆژەک ب تام و لەڤزەت.
ديار ژى كر، خەلاتێ ڤێستەڤالێ وەک (ئالا کوردستانێ) ب شێوەک پڕ جوان هاتبوو ئامادە کرن پێشکێشی چەندین چالاکڤانێن ڕەڤەندا کوردستانی هاته کرن.
