ناڤه‌ندا نووچه‌یان – سه‌ما
ل ژێر درویشمێ”جوانی و خزمەت” ب پشتەڤانیا د. عەلی تەتەر، پارێزگارێ دهۆکێن رێڤەبەریا گشتی یا رەوشەنبیری و هونەری دێ کەرنەڤالێ ١١ێ یێ ڕۆژا پارێزگەهبوونا دهۆکێ ئەنجام دەت.
بڕیارە ئيڕۆ 27-5-2025، يازده هەمین كه‌رنه‌ڤالا پارێزگه‌هبوونا دهۆكێ ل پاركا نه‌ورۆز بێته سازكرن.
ل دووڤ ڕاگه‌هاندنا پارێزگه‌ها دهۆكێ به‌لاڤكرييه، ئيڕۆ ل ده‌مژمێر 6:00ێ ئێڤاری كه‌رنه‌ڤالێ 56ساڵیا دامه‌زراندنا پارێزگه‌ها دهۆكێ دێ ل پاركا نه‌ورۆز ئێته ڤه‌كرن.
ديارژى كريه، ل ده‌مژمێر 7:00 ڕێوره‌سمێن ئاهه‌نگێ و چه‌ند برگێن هونه‌ری یێن كه‌لتووری دێ ده‌ستپێكه‌ن.
ده‌رباره‌ى برگه‌يێن كه‌رنه‌ڤالێ، رێڤەبەريا گشتی یا رەوشەنبیری وهونەری ل پارێزگه‌ها دهۆكێ راگه‌هاند، ل دەستپێکێ دناڤ پارکێ دا لێگەریانەک دێ ئێتەکرن بۆدیتنا کارو بەرهەمێن ئەو رێڤەبەریێن پشکدار.
پاشان ل سەرستێچی دێ چەند پەیڤ ئێنە خووندن وچەند کەسەک دێ ئێنە خەلاتکرن.
ديار ژى كر، هه‌ر بڤێ ئاهەنگەکا کەلتووری دێ ئێتە سازکرن و دگەل تەقاندن یاریێن ئاگری.
هه‌ر ئێك ژ تيپا شاریا هونەرێ مللی و دەنگبێژ تەحسین خدر فه‌قیر، ب ستران و سەمایێن مللی به‌شدارن دكه‌رنه‌ڤالى دا.
دھۆک، ل 27ی گوڵانا ساڵا 1969 بوويه پارێزگه‌هـ، ئێكه ژ چار پارێزگه‌هێن هەرێما کوردستانێ و سه‌نته‌رێ پارێزگه‌هێ قەزا دھۆکە.
د درێژاهییا کابینەيێن حکومەتا هەرێما کوردستانێ دا چەندین پرۆژەیێن مه‌زن يێن وەبەرهێنانێ ل پارێزگه‌ها دهۆکێ هاتينه ڤه‌کرن، كو ب ئێك ژ پارێزگه‌هێن سەرنجڕاکێش دئێته دانان بۆ گەشتوگۆزارێ.