ل سه‌ر ده‌ستپێشخه‌رييا سه‌رۆكێ حكومه‌تێ،ياريه‌كا خێرخوازى ب ڕێڤه‌چوو
سه‌ما
ل ژێر دروشمێ(پشته‌ڤانيكرنا سه‌رۆكێ حكومه‌تا هه‌رێما كوردستانێ بۆ ڕزگاربوويێن ئێزدى)،هه‌ردوو نڤيسينگه‌هێن لالش تلبه‌نات سه‌ر ب بنگه‌هێ لالش تايێ شنگالێ ڤه يارييه‌كا خێرخوازى ل ياريگه‌ها خانكێ يا بچووككرى ئه‌نجامدا.
ب به‌شداريا ياريزانان ژ خێزانێن رزگاربوويێن ژ ده‌ستێ داعشێ،يارييا خێرخوازى دناڤبه‌را تيمێن قيرانى و ستێرێن خانكێ دا هاته كرن و دئه‌نجامدا تيما قيرانى ب چار گۆلان به‌رامبه‌ر دوو گۆلان ب سه‌ركه‌فت.
ب ڕێڤه‌چوونا ياريێ هه‌ڤده‌مه دگه‌ل ده‌ستپێكرنا ده‌ستپێشخه‌رييا سه‌رۆكێ حكومه‌تا هه‌رێما كوردستانێ ڕێزدار مه‌سرور بارزانى بۆ پرۆژێ پشته‌ڤانيكرنا ڕزگاربوويێن ئێزدى.
خشو ميرزا،سه‌رۆكێ بنگه‌هێ لالش تايێ شنگال دياركر،ئه‌م ب ڕژدى كار دكه‌ين ژبۆ گه‌هاندنا په‌ياما مرۆڤى يا تايبه‌ت يا سه‌رۆكێ حكومه‌تێ بۆ پشته‌ڤانيكرن و چاڤدێريا ڕزگاربوويێن ئێزدى دهه‌موو وارێن ژيانێ دا،داكو بۆ جيهانێ ب سه‌لمينين ڕزگاربووى جهێ گرنگيدانا حكومه‌تا هه‌رێمێ نه.
