پڕۆژه‌يێ نه‌هێلانا نه‌خوێنده‌واريێ ل كه‌مپان ده‌ستپێكر

ناڤەندا نووچەیان – سەما

ناڤه‌ندا ئافره‌تێن شنگالێ پڕۆژه‌يێ نه‌هێلانا نه‌خوێنده‌واريێ، ل ناڤا كه‌مپێن ئاواره‌يێن شنگالێ ل سنوورێ پارێزگه‌ها دهۆكێ ده‌ستپێكر.

ئه‌ديبا سه‌يدۆ، به‌رپرسا ناڤه‌ندا ئافره‌تێن شنگالێ، ئيڕۆ دووشه‌مبوويێ 21ى ته‌مموزا 2025، بۆ سه‌ما ڕاگه‌هاند: پڕۆژه‌يێ نه‌هێلانا نەخویندەواریێ ل پتريا كه‌مپێن ئاواره‌يێن شنگالێ  ل سنوورێ پارێزگه‌ها دهۆكێ دەستپێکریە.

دبێژت: هەڵبەت ئەڤ پڕۆژە هاتیە ڤەکرن ل سەر داخوازا ئافرەتێن ڕوونشتڤانێن کەمپان، مەرەم ژێ پێشڤەبرنا ئافرەتێ یە و فێری خواندن و نڤیسینێ ببن و بكارن هاریکاریا زارۆکێن خۆ بکەن و وان فێری خواندن و نڤیسینێ بکەن د تەمەنه‌كى بچووک دا و بكارن موبایلێ و سوشیال میدیایێ ب ئاسانی بکاربینن.

ده‌رباره‌ى ڕێژا نه‌خوێنده‌واريێ ل كه‌مپان، به‌رپرسا ناڤه‌ندا ئافره‌تێن شنگالێ دبێژت: زێدەبوون و کێمبوونا نەخوێندەواریێ بابەتەکێ ڕێژەییە و ئەم نكارين ب ئاوایەکێ ڕاسته‌ ڕاست بێژين کا کێم یان زێدەبوویە، لێ ئەم دكارين بێژين بەری نوکە بارا پتر یا ئافرەتان نه‌دكارين بخوونن ژبەر داب ونەریتێن جڤاکی وبارێ سەختێ ژیانێ، لێ د ئەڤی سەردەمی دا پتر دەرفەتا خواندنێ بەردەستە و ئاسانترە و ب تایبەت بۆ ئافرەتان پتر دكارن بخوونن و پێشڤە هەرن و فێر ببن.

دووپاتكر، ئه‌ڤ پرۆژه‌ دێ يێ به‌رده‌وام بت و چه‌ندين ئافره‌ت تێدا دپشكدارن.