ناڤەندا نووچەیان – سەما
جڤاتا روحانى يا بلند يا ئێزديان دێ كۆم بت و داوى بريارێ ل سه‌ر دياركرنا نه‌ختێ كچا ئێزدى ده‌ت.
ل 11ی کانوونا دووێ 2025 جڤاتا رۆحانی يا ئێزديان داوى کۆمبوونا خۆ کر و تێدا بڕیاردا نه‌ختێ كچێ بۆ 25 گڕامێن زێرى بێته كێمكرن، كو پێشتر 75 گڕام بوون، بەڵێ هێشتا نەکەفتيه دوارێ بجهئينانێ دا.
ئيرۆ چارشه‌مبوويێ 22ى كانوونا دووێ 2025ێ، جه‌هوه‌ر عه‌لى به‌گ، وه‌كيلێ ميرێ ئێزديان بۆ كاروبارێن په‌يوه‌نديان بۆ سه‌ما گۆت:”د کۆمبوونێ دا بریار هاته دان ماوێ هەفتەیەکێ بۆ موختارێن گوندان، سەرۆک هۆز و وه‌لاتيان بێته دان تاکو بۆچۆنێن خۆ ل سەر ڤێ بڕیارێ بده‌ن، پشتى كو دكه‌فته دوارێ بجهئينانێ دا دێ پابه‌ند بن”.
ده‌رباره‌ى كۆمبوونا داهاتى يا جڤاتا روحانى، جه‌هوه‌ر عه‌لى به‌گ گۆتژى:”برياره دڤان چه‌ند ڕۆژاندا جڤاتا روحانى كۆمبوونا خۆ يا گرنگ ئه‌نجام بده‌ت، پشتى كو ده‌مه‌كێ زێده‌تر دايه موختار و سه‌رۆك هۆزان بۆ هندێ بۆچۆنا خۆ بده‌ن”.
وه‌كيلێ ميرێ ئێزديان ئاشكراكر: “د ته‌وه‌ره‌كێ كۆمبوونێ دا دێ بريار ل سه‌ر دروستكرنا چه‌ند ليژنه‌يان ئێته دان و دێ دووڤچوونا ئه‌وان بريارێن ژلايێ جڤاتا روحانى ڤه دئێنه دان كه‌ن”.
بڕیارا دیارکرنا 75 گڕامێن زێرى بۆ نه‌ختێ كچا ئێزدى، ژلایێ جڤاتا روحانی ڤه ل سەردەمێ میر تەحسین بەگ ل سالا 2009 هاتبوو دان.