ل گوندێ بۆزا پتريا مالان بێ ئاڤن
سه‌ما
ب ئه‌گه‌رێ نه رێكخستنا تۆرا سه‌ره‌كى يا ئاڤێ،پتريا مالان ل گوندێ بۆزا ئاڤا ڤه‌خوارنێ وه‌ك پێدڤى ناگه‌هيتێ.
پێنج بيرێن ئيرتوازى بۆ دابينكرنا ئاڤێ بۆ خه‌لكێ گوندێ بۆزا هاتينه كۆلان،جاران ژ ئه‌گه‌رێ نه‌بوونا كاره‌بێ هنده‌ك ژوان بيران كار ناكه‌ن.
خالد ئلياس،موختارێ گوندێ بۆزا بۆ سه‌ما ئاشكه‌راكر:ئاريشا كێمبوونا ئاڤێ ل گوندى نينه و تنێ كێشه دتۆرێن سه‌ره‌كى دا هه‌يه،ئه‌و ژى عه‌ردێ گوندى كه‌ند و كۆره و يێ راست نينه ده‌مێ ئاڤ تێته به‌ردان ژبه‌ر نزمى و بلندبوونا بۆريان ناگه‌هيته نيڤا مالان.
ئه‌وى داخواز كر تۆرێن ئاڤێ بێنه راستكرن و زێده‌كرن،داكو ئاڤ بگه‌هته هه‌موو مالان.
دا زانين ژى چه‌ندين جاران ئه‌ڤ كێشه گه‌هاندينه لايه‌نێن په‌يوه‌نديدار و سۆز ب وان هاتينه دان چاره‌سه‌ر بكه‌ن،لێ هه‌ر وه‌كى خۆمايه.