نڤيسكاره‌كێ ئێزدى:كه‌سانێن بۆ به‌رژه‌وه‌نديا ئێزديان كاردكه‌ن دكێمن
سه‌ما
نڤيسكاره‌كێ ئێزدى ئاماژێ ب ژيوارێ نۆكه‌يێ ئێزديان دده‌ت و ب سه‌خت و دژوار ل قه‌له‌م دده‌ت و دبێژت:كه‌سێن ب رژدى بۆ به‌رژه‌وه‌نديا ملله‌تێ خۆ كاربكه‌ن دناڤا جڤاكێ مه دا كێمبووينه.
نڤيسكار شوكرى ره‌شيد خێراڤايى، د ديداره‌كێ دا بۆ سه‌ما گۆت:ب ديتنا من زۆر گرنگه هه‌ر ملله‌ته‌ك ميژوو،ديرؤكا خۆ باش بزانن ونه ب چاڤه‌كێ پيرۆز بخوونن به‌لكو ب چاڤه‌كێ رخنه‌يێ بێته شلۆڤه‌كرن داكو به ند وعبره‌ت ژێ بێنه وه‌رگرتن.
شوكرى هێشتا گۆت:ئيرۆ ل سه‌ر ئێزديان دڤێت بتر ژ خه‌لكه‌كێ ديتر مێژوويا خۆ يا تراژيدى بخوونن،ڕاسته ژيوارێ ئيرۆ ئێزديخانێ تێرا ده‌رباز دبت يێ سه‌خت ودژواره،چنكو نه‌ژ ئه‌نجامێ فه‌رمانه‌كێ يه به‌لكو ژ ئه‌نجامێ ب ده‌هان فه‌رمان و كوشتن وتالانكرنێ يه.
د بەردەوامیا ئاخفتنا خۆدا دیار كر:ئه‌گه‌ر مه پتريا قۆناغێن مێژوو وكلتۆرێ خۆ باش زانى،ئه‌م هنگى بزانن چاوا ژيوارێ خۆ ژى دا بژين وب چ شێوه ره‌فتارێ دگه ل ده‌وروبه‌رێن خۆ بكه‌ين،ل وى چاخى ئه‌م ل گۆڕ وى ژيوارى پاشه‌رۆژا خۆ ژى دارێژن ل گۆڕ به‌رژه‌وه‌نديا ملله‌تێ خۆ.
هەروەسا گۆت:ئێك ژ ئه‌گه‌رێن دژواريا ژيوارێ مه ئێزديان ئيرۆ كێمبوونا كه‌سانێن ب رژدى كار ل سه ر به رژه‌وه‌نديا ملله‌تى دكه‌ن،به‌لكو ب مخابنيڤه پتريا وان ژبۆ به‌رژه‌وه‌نديێن خۆ يێن تايبه‌ت كار دكه‌ن.
ناڤبرى دیار ژی كر: ئه‌و كه‌سانێن به‌رژه‌وه‌نديێن خۆ يێن تايبه‌ت كار دكه‌ن ئه‌و هێز و كه‌سايه‌تيه نينه داخوازا مافي ملله‌تێ خۆ بكه‌ن، ژبه ر هندێ ملله‌تێ مه ئيرۆ دره‌وشه‌كا په‌ريشاندايه.