په‌رتووكا سه‌رۆك بارزانى وه‌كو دووه‌م باشترین په‌رتووك ل سه‌ر ئاستێ جیهانێ هاته هه‌لبژارتن
سه‌ما
ل پێشبڕکێیا (خەڵاتێ ناڤدەوڵەتی یا پەرتووکێ) کۆ ساڵانە ژلایێ (American Book Feast) دهێتە رێکخستن و خەڵاتێ ب باشترین کتێب د هەمی بوارەکێدا ددەت، ئەڤساڵە ل بوارێ دیرۆکا گشتی، کتێبەکا سەرۆک بارزانی کۆ ب زمانێ ئینگلیزی هاتیە چاپ کرن و تایبەتە ب بیرەوەریێن وی لسەر رووداوێن دیرۆکی یێن چەندین ساڵێن بووری، خەڵاتێ دووێ د وێ پێشبڕکێیا ناڤدەوڵەتیدا ب دەستڤە ئینا.
پێشبڕکێیا (خەڵاتێ ناڤدەوڵەتی یا پەرتووکێ) نزیكێ 15 ساڵانە کۆ ئەو خەڵات ب باشترین کتێبێن ساڵێ د هەمی ژانراندا دهێتە دان.
نێزیكى 15 سالایه به‌ریكانه‌یا ( خه‌لاتێ نێڤده‌وله‌تییێ په‌رتووكان ) دهێته ڕێكخستن، خه‌لاتێ وێ ب باشترین په‌رتووكێن سالێ دهه‌موو بیاڤاندا دهێته به‌خشین، ژ سالا 2010 وه‌ره ئه‌و خه‌لاته ب چه‌ندین په‌رتووكان د هه‌موو بیاڤاندا ل سه‌رانسه‌رى جیهانێ هاتییه پێشكێشكرن.
ئەڤە ئێکەمین جارە كتێبا سەرکردەکێ کورد د پێشبڕکێیەکا ناڤدەوڵەتی یا كتێبێدا لسەر ئاستێ جیهانێ، وی خه‌ڵاتێ ب ده‌ستڤە دئینیت.
جێفرى كین ڕێڤه‌به‌رێ بجهئینانێ ل كۆمپانییا (American Book Feast ) كو ڕێكخه‌رێ خه‌لاتێن نێڤده‌وله‌تییه ل دۆر ڤى خه‌لاتى ڕاگه‌هاند، ئه‌ڤساله ب هزاران ناڤونیشان هاتنه پێشكێشكرن و ب تنێ چه‌ند ژماره‌یێن كێم به‌ربراژێن خه‌لاتى بوون.
هەروەسا جێفری کین دبێژیت: “ئەڤ خەڵاتکرنە ئارمانجا وێ پاڵپشتیکرن و پشتگیرییە بۆ جیهانا کتێبێ، هەروەسا بزاڤەکە ژی هەتا سەرنجا خوینەران راکێشین و ڤەگەرینین بۆ جیهانا کتێبێ.”
دناڤ کتێبێن کۆ ئەڤساڵە هاتنە خەڵات کرن یێن ئێکێ و دووێ، ژبلی کتێبا سەرۆك مەسعود بارزانی، هەرئێک ژ پاپا فرانسیس، پاپایێ ڤاتیکان، کۆ کتێبەکا تایبەت ب بیرەوەریێن خۆ بڵاڤکر، دگەل کتێبا ژیانناما سترانبێژ و پێشکێشکارێ بەرنیاسێ ئەمریکی ڤێنیسا ولیەمس، دگەل کتێبا ژیانناما ئاکتەرێ بەرنیاسێ ئەمریکی بۆب ئۆدینکێرکیش هەبوون.