سەرۆك بارزانی پێشوازیێ ل باڵيۆزێ بریتانیا ل عيراقێ دكه‌ت
سه‌ما
ل ڕۆژا ئێكشەمبوويێ 14ى تيرمه‌ها 2024 ل سەلاحەددین سەرۆك مەسعود بارزانی پێشوازییا ستیڤن هیتچن، باڵوێزێ بریتانیا ل عێراقێ كر.
د هەڤدیتنێدا كۆ ئاندرو بیزلی كونسوڵێ گشتیێ بریتانیا ل هەولێرێ بەرهەڤ بوو، باڵوێزێ بریتانیا ل عێراقێ پێزانینێن خۆ بۆ سەرەدانا سەرۆك بارزانی بۆ بەغدا و هەڤدیتن دگەل لایەنان نیشاندا و ڕاگەهاند ئەو سەرەدان بوویە ئەگەرێ دروستبوونا كەشەكێ سیاسی یێ ئیجابی دناڤ پڕۆسا سیاسی یا عێراقێ و سەرەدانەكا سەركەفتی بوو.
هەر د وێ هەڤدیتنێدا سەرۆك بارزانی بەحسا دەرئەنجامێن سەرەدانا خۆ بۆ بەغدا كر و گرێدایی ب پڕۆسا سیاسی یا هەرێمێ ژی سەرۆك بارزانی تەکەز لسەر بڕێڤەچوونا هەلبژارتنێن پارلەمانێ كوردستانێ د دەمێ دیاریكری یێ خۆدا كر.
ڕووداو و پێشهاتێن هەرێمایەتی و گەفێن تیرۆرێ و داهاتیێ هەبوونا هێزێن هەڤپەیمانان تەوەرەکێ دی یێ كۆمبوونێ بوو.