51قوتابيێن سه‌ركه‌فتى ل گوندێ بۆزا هاتنه خه‌لاتكرن
سه‌ما
لژێر چاڤدێريا”سه‌عيد جردۆ” سه‌رۆكێ ده‌سته‌يا بلندا بنگه‌هێ لالش ،درێوره‌سمه‌كێ دا قوتابيێن سه‌ركه‌فتيێن ئێكێ،دووێ و سێيێ ل سه‌ر ئاستێ چار قوتابخانێن گوندێ بۆزا هاتنه خه‌لاتكرن.
ل ڕۆژا دووشه‌مبوويێ 29ى تيرمه‌ها 2024ێ، ب ئاماده‌بوونا سه‌رۆكێ بنگه‌هێ لالش و ئه‌ندامێن ده‌سته‌كێ، به‌رپرسێن دام و ده‌زگه‌هێن حزبى و ميرى و مامۆستا و ڕه‌وشه‌نبيران و سه‌ميانێن قوتابيان، رێوره‌سمێن رێزلێنانا قوتابيان ژئاليێ نڤيسينگه‌ها لالش بێبانێ ڤه هاتن گێران.
درێوره‌سمان دا چه‌ند په‌يڤ ژلايێ سه‌رۆكێ بنگه‌هێ لالش و ئاماده‌بوويان ڤه هاتنه پێشكێشكرن و تێدا ده‌ستخۆشى و پيرۆزباهى ل قوتابيان كر،هه‌روه‌سا سوپاسيا سه‌رۆكێ حكومه‌تا كورستانێ رێزدار مه‌سرور بارزانی كرن بۆ پشته‌ڤانیا وی یا به‌رده‌وام بۆ رزگاربوویێن ژ ده‌ستێن داعشێ،هه‌ر ديسان رۆلێ قوتابیان بۆ پێشڤه‌برنا جڤاكى به‌رز و بلند نرخاندن.
پاشان 51 سه‌ركه‌فتیێن ئێكێ،دووێ و سێيێ ل سه‌ر ئاستێ هه‌ر قۆناغه‌كێ ل چار قوتابخانێن گۆندێ بۆزا دگه‌ل رێڤه‌به‌رێن قوتابخانان هاتنه خه‌لاتكرن.