زه‌رده‌شت شێخ شامۆ:چار پشكێن نوو ل ناحيا خانكێ هاتينه ڤه‌كرن
سه‌ما
ب مه‌ره‌ما پتر گه‌هاندنا خزمه‌تگۆزاريان بۆ وه‌لاتيان،چار پشكێن نوو ل ناحيا خانكێ هاتنه ڤه‌كرن.
زه‌رده‌شت شێخ شامۆ،رێڤه‌به‌رێ ناحيا خانكێ، ئيرۆ دووشه‌مبوويێ 29ى تيرمه‌ها 2024ێ بۆ سه‌ما راگه‌هاند؛پشتى كۆمه‌لگه‌ها خانكێ ب فه‌رمانا سه‌رۆكێ حكومه‌تا هه‌رێما كوردستانێ مه‌سرور بارزانى بوويه ناحيه،تا نۆكه چار پشكێن دى ل سەنتەرێ ناحیێ هاتينه ڤه‌كرن پێك دئێن ژ پشكێن كاره‌ب،ئاگرڤه‌مراندنێ،هاتن و چوون و تيمه‌كێ نقومڤانان.
ناڤهاتى ئاشكه‌راكر: نۆكه 30جاده ل ناڤا كۆلانێن ناحيێ هاتينه چێكرن و 40يێن دى دقۆناغا قێركرنێ دا نه،زێده‌بارى چاندنا پێنج هه‌زار داران،كاروانێ ئاڤه‌دانى و پێشكێشكرنا خزمه‌تگۆزاريان ژى بۆ وه‌لاتيان ل سنوورێ ناحيا خانكێ دێ به‌رده‌وام بت.
هه‌ر ژ ده‌ما ناحيبوونا خانكێ چه‌ندين پرۆه‌ژيێن خزمه‌تگۆزارى دوارێن جودا جودا بۆ خزمه‌تكرنا وه‌لاتيان هاتينه ئه‌نجامدان،بۆ هندێ هه‌موو كێشه وئاريشه‌يێن وه‌لاتيان نه‌مينن.
ل رێككه‌فتى 13/6/2022ێ ب فه‌رمانا سه‌رۆكێ حكومه‌تا هه‌رێما كوردستانێ مه‌سرور بارزانى،بريارا ناحيه‌بوونا كۆمه‌لگه‌ها خانكێ هاته دان،ژبۆ پتر ئاسانكاريان بۆ ب رێڤه‌برنا كاروبارێن وه‌لاتيان و پێدانا ده‌ستهه‌لاتان ل ناحيێ.
ناحيا خانكێ ب دووراتيا نێزيكى 24 كيلۆمه‌تران دكه‌فته باشوورێ رۆژئاڤايێ باژێرێ دهۆكێ.