ده‌رگه‌هێ ئه‌ندامه‌تيا بنگه‌هێ لالش دێ ڤه‌كرى بت
سه‌ما
لدوڤ مەرجێن پەیرەو و پرۆگرامێ بنگه‌هێ لالش،ده‌رگه‌هێ وه‌رگرتنا ئه‌ندامبوونێ ل تايى و نڤيسينگه‌هێن لالش تا داويا ئيساله دێ ڤه‌كرى بت.
د.سه‌عيد خودێدا،جێگرێ سه‌رۆكێ بنگه‌هێ لالش بۆ سه‌ما دياركر،ده‌رگه‌هێ ئه‌ندامبوونێ ل تايى و نڤيسينگه‌هێن لالش تا ڕۆژا 25/12/2024ێ دێ ڤه‌كرى بت ل دوڤ وان مەرجێن دناڤ پەیروە وپرۆگرامى دا هەین.
مەرجێن پێشکێشکرنێ:
1_ دەرچۆیێ ئامادەیی یان بلندتر بت، یان نڤیسین و ڤەکۆلین ل سەر ئۆلا ئێزدیان هەبت.
2_ دوو وێنێن خۆ یێن ڕەنگا و ڕه‌نگ بینت د گەل پڕکرنا فۆرمەکا تایبەت و(6000) دیناران وەک ئابوونێن ساڵان.
تێبینی: ئەندام ژی دڤێت ئەندامەتیا خۆ نوو بکەن.
ب پشته‌ڤانيا راسته‌وخۆيا حكومه‌تا هه‌رێما كوردستانێ،بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل رێككه‌فتى 12/5/1993ێ ل سه‌ر ده‌ستێ كۆمه‌كا خه‌مخۆر و ڕه‌وشه‌نبيرێن ئێزديان هاته دامه‌زراندن،نێزيكى 38 تايى و نڤيسينگه‌هان ل ته‌ڤايا ده‌ڤه‌رێن ئێزديان هه‌نه.
بنگه‌هێ لالش تاكه سازييا ئێزديانه ل سه‌رانسه‌رى جيهانێ كار دكه‌ت ژبۆ پاراستنا كه‌لتۆر وفلكلۆرێ ڕه‌سه‌نێ ئێزديان و به‌ره‌ڤانيێ ل ماف و داخوازيێن وان دكه‌ت.