زارۆكێن مالا به‌شير كوريه ڤه‌گه‌ريانه ناڤ كه‌سوكارێن خوه
سه‌ما
گه‌ره‌كا دى يا زارۆكێن سێوى يێن ئێزدى ل مالا به‌شير كوريه يا خێرخوازى یا بێ سەمیانان ڕاده‌ستى كه‌س وكارێن وان ل كه‌مپان هاتنه كرن.
كاوه صباح ئه‌مين،به‌رپرسێ ڕێڤه‌برنا كاروبارێن خانى مالا به‌شير كوريه يا خێرخوازى یا بێ سەمیانان بۆ سه‌ما ڕاگه‌هاند؛دوهى ڕۆژا دووشه‌مبوويێ 8ى ته‌مووزێ،هه‌فت زارۆكێن ڤەحەواندی كو چار كچ و سێ كوڕ بوون هاتنە رادەستکرن بۆ خێزانێن وان ل كه‌مپاندا و ئێدى ژیانا خۆ ب دلخۆشی دێ بۆرینن.
ئاشكه‌راكر ژى دنۆكه دا 8 زارۆكێن سێوى ل مالێ ماينه ئه‌و ژى 2 كچ و 6 كوڕن ،چاڤدێرى و هاريكاريا وان دكه‌ين و هه‌موو پێدڤيێن ژيانێ بۆ ڤان زارۆكان هاتينه دابينكرن.
دا زانين ژى مالا به‌شير كوريه يا خێرخوازى ل سالا 2019ێ ده‌ست ب كارێ خۆ كريه و زێده‌ترى 2 هه‌زار زارۆكێن سێوى يێن بێ ده‌يك و باب و كه‌سوكار ماين ژ ئه‌نجامێ هێرشا دره‌ندانه‌يا داعشێ بۆ سه‌ر شنگالێ هاتبوونه ڤه‌حه‌واندن و ژ هه‌موو روويه‌كێ ژيانێ ڤه هاريكاريا وان دهاته كرن.
مالا بێ سەمیانان ژلايێ خێرخوازێ ئێزدى به‌شير كوريه خه‌لكێ كۆمه‌لگه‌ها بابيرێ بۆ زارۆكێن شنگالێ يێن بێ ده‌يك و باب ل كۆمه‌لگه‌ها شاريا هاته دامه‌زراندن،به‌ريا سێ سالان ناڤبرى دروودانه‌كا دلته‌زين دا گيانێ خۆ ژ ده‌ستدا،نۆكه ژى ژلايێ مالباتا وان ڤه دئێته ب ڕێڤه‌برن و پشته‌ڤانيكرن.
ب ئه‌گه‌رێ هێرشا داعش بۆ سەر قەزايا شنگالێ و ئه‌نجامدانا تاوانێن دژى مرۆڤايه‌تيێ د ده‌رهه‌قى ئێزديان دا،نێزیکی سێ هەزار زارۆكان ژ كچ و كوڕان سێوى مان.
