ناڤهندا نووچهیان – سهما
هنارتيێ تايبهتێ سكرتێرێ گشتيێ نهتهوهيێن ئێكگرتى ل جڤاتا ئاسايشا نێڤدهولهتى دبێژت: پشتى 11ساڵان هێشتا زێدهترى 100 هزار ئاوارهيێن ئێزدی يێن خەڵکێ شنگالێ ل كهمپاندا دژين.
سێ شەمبوويێ 2ـی کانوونا ئێكێ 2025، محەمەد حەسان، هنارتيێ تايبهتێ سكرتێرێ گشتيێ نهتهوهيێن ئێكگرتى بۆ عێراقێ و سەرۆکێ هنارتيێ یونامی بەغدا ل جڤاتا ئاسایشا نێڤدەوڵەتی گۆتارهك دهربارەی داوى پێشهاتێن عێراقێ پێشکێشکر.
محەمەد حەسان د گۆتارا خۆدا گۆت: نوكه ل عێراقێ نێزیکی ئێك ملیۆن ئاوارە ل ناڤخۆیا وهڵاتى دا هەينە، هەروەسا زێدهترى 100 هزار ئاوارهيێن ئێزدی يێن خەڵکێ شنگالێ پشتى 11 ساڵان هێشتا ل ناڤ کەمپاندا دژین و د ڕهوشهكا زۆر خراپدانه.
ئاماژه ب وێ چهندێ دا، پشكهكا ئێزديان ههتا نوكه ژ دەستێ داعش نههاتينه ڕزگارکرن.
ههروهسا ل شەشەمین کۆڕبەندێ ئاشتی و ئاسایيشا ڕۆژهەڵاتا ناڤەڕاست (MEPS) ل دهۆکێ، محەمەد حەسان، د گۆتارهكا خۆ دا بهحس ل ڕهوشا ئێزديان كر و گۆت: نوكه دهم هاتيه ڕێخۆشكرن بۆ ڤهگهڕيانا ئاوارهيێن شنگالێ ههبت و ڤهگهڕنه سهر جهـ و وارێن خۆ ڤه و داويێ ب ژيانا ئاوارهيێ بينن.