ژیان ب ئارمانج و کارێ رێکخراویی ئالایا ئاڤاکرنێ بلند دکەت
يوسف صفار
دەمێ بابەت خزمەتا دۆزەکا دیارکری دکەت، ژیان ب هەبوونا خۆیا دوو جەمسەرییڤە دبیتە ئالاڤ، باژێرکەک دینامکەتا سوسیۆلۆژیاسیاسی و هەماهەنگیا هەبووناێ پالپشتییا گوهرینا رڤێشتی دکەت، هەمی بەرەڤ هەلاتنڤە دچن، جیران وندابوون، هەڤال وێرانبوون، پێدڤیێن هەڤدژ ئاڤابوون رۆژان گەشدکەت.
گەشتیا وێ دگەهیتە ئارمانجان، قوناغا پێکڤەیێ قەستا نویکرنێ دبیت، جهێ سەرنجراکێش دگەهیت، ئەو نە شانۆگەرییە، بەلکو ئەو هیڤییە، خۆزیییە. ئەڤە باژێرکێ وان کاڤلبووی هێشتا بویەر نەبووینە خۆزی، نێ زارۆکینی بوو، نوکە سنێلەیی بسەرداهات، نە قەبولکرنا جڤاکی بسەرداهات، ب چاڤەکێ کێم بەرێخۆدان بسەرداهات. جهو رویدان و کەتوار مەقەبول ناکەت. چ بکەین خۆدێ ئەم هوسان داینە، ئەڤە میتافیزیکییە! سنێلەیی ترس و بێدەنگی شکاندن، هەست ب تێهنیبوونێ دهێتەکرن، جڤاکەکێ بێ وێژدانە، رەحمێ ب کەسەکێ بەلنگاز نابەت، ئاوریان لێ ناکەت. هەر رۆژ ئەڤ باژێرکێ بێگوهۆر مە دخاپینیت، تلهان لبەر حەزان ڤەددەت، هاتن و چوون ژ بێزاریێ بێزارییە، ئەو ژ ئول و رڤێشتا مەنە، ئەو ژ دابو نەریتێن مەنە، بەلێ ل مە بەرزەنە، مە ب دۆز ل قەلەم نادەن…خۆزی ڤەگەریاباین بلا دبێ کراسباین، کەسێ وێڤەتر ب پڕی ئارمانج بەرێ خۆددەت هەڤالان، سەرهەژاند، سەرئەڤرازبوو، قوناغا پێکڤەژیانێ بوویە خەونا حێشتران، هەلاویستن بوویە درێژخایەن، بوویە هاڤێتن، بوویە سەمایا ل گەل فریشتان، پێکڤە چوونە هولا نمایشان، بەرەڤ دیتنیێن بەرزە و وندا وەستیان، بەرسڤ ڤەگەریا بیرهاتنان. ب ژوورکەڤتن، جڤاک ل ژێر ژیانێئ ئاڤابوو، هیڤی ب ژیانێڤە دیتن، ژیانەک نە سیفەت ، نە ژی ناڤ، بەلکو ژیانەک کارخستنی. ل رێزا دوماهیکێ ب رێزرونشتن کرە ئارمانج، رەڤین دیتن و وێرانکرییا دیتنان. نمایشێ دەستپێکر هەستان دگۆتە هەستان ل ڤێرە نە راوستن، ب رۆندکیێن دایکەکا دلۆڤان پەردە ڤەبوو، زارۆکەکێ زارۆک خۆ د پێیێن دایکا خۆ وەرگر وگڤاشت، هەر کری بلندبوو، رۆندک ژ چاڤێن دایکێ قەرسین، ڤەشاتی لێبوو دەرمان. زارۆک ل زارۆکان ڤەچەمیان، خرڤەبوون بوونەتۆز وتۆزژی بوو زارۆک، هەمی هەست بەرەڤ مژێڤەچوون، بەرەڤ هەلمێڤە وندابوون، گری گری دکەتەتێهن وتێهنژی بۆ سیبەرەکا بێ خۆدان، بەلکی لێبیتە ئارمانج، خۆ لێڤ پەیڤان ژی ناکەن، ئالا کەڤتنە ژێر شەرەنیخا ئاڤابوونێ، گەهشتنە پشتا پیکەمەکا بێ سەروبەردا، دیمەن ب زارۆکەکێ دیتر هاتە دان. پەرتۆکان خرڤەدکەت، پاشەرۆژێ پلاندکەت، قەلەم و جانتە ڤەگڤاشتن، سیبەرا بابی ل هنداڤ بوو خۆزی، جانتە ژ دەستان دەرئێخست و کیسکەکێ تێکەل ژ نانێ تەنک و،شەکرێ دا دەستان، زارۆک ل گەلەک قەلەمی وندابوو، بەرزەبوو، حێبەتی بوو، یێ دی هەما هشک بێ بیرهاتن ئاڤابوو. سەرسیێ بوونە ئارمانجا رۆندکان، خۆ دنمایشێدا دبینن، رۆندک ڤەشارتن لێبوو خۆدان، دەنگ بلندبوو، هول لێ زڤری، کەسەک سەرخۆ بەرەڤ زارۆکان چوو و ل هنداڤ؟راوستیان و گۆت، ئەم مالا هەوینە، ئەم هەبوونا هەوینە، ئەم ژیانین داکو ژیانەکا خۆشتر بۆ هەوە بروخسینین، ئەم ژیانین ب ئارمانج نە بتنێ بناڤ. هەمی کەسان مافێ فێربوونێ هەیە، ئەڤە د بەلاڤوکا نەتەویێن ئێگرتیدا هاتییە ئەوا ل سالا٢٠٢٠دەرچووی، نەمازە دەمێ هەر دوو وەلات ژ مەترسیا قەلەرەشکان رزگاربووین، دەمێ هەست ب ڤالاتێ هاتییە کرن ژیان خواندنێ بەرپادکەت هاریکاریا زارۆکان دکەت، ئاسانگاریا خرڤەدکەت،هاتن وچوونێ دکەتە هەبوون، خەمێ نەخۆن هەوە ژیانەک ژیان هەیە،هەوە دەرگەهەک سارێژ هەیە، ژیان هەڤرکیێ لسەر خواندنێ دروستدکەت.
مە دڤێت فێرببین؟
مە دڤێت پاشەرۆژا خۆ گەش بکەین؟
مە دڤێت ناسناڤا خۆ پارێزین؟
مە دڤێت و دڤێت…
ئاها هوسان ژیان یا ژیانێ بۆ ڤەقەتیایان پەیدادکەت، ئاها هوسان ژیان یا ئالاڤێن ژیانێ دروستدکەت، ئاها هوسان ئەو زارۆکان ژ بێزاریێ ئازاد دکەت، ب نمایشەکێ ژیان هەست ب هەبوونا هەوە دکەت، هەستان ب بها، رێزدکەت، کەواتە داکو ئەم جڤاکەکێ بهێز و خۆرستی ئاڤابکەین، ژیان هەستا لێڤەگەریانێ ل دەڤ زارۆکان ئاڤادکەت، هەستاباوەریێ بخۆ بۆ سارێژدکەت و خۆشی و بەختەوەریێ ئەڤرۆ ژیان ب ئارمانج و کارێ رێکخراویی ئالایا ئاڤاکرنێ بلندکەت.
