سه‌ما
کۆمپانیا ئەپڵ دەما فەرمی یا کۆنفرانسێ خۆ یا ساڵانە بۆ دەرئێخستنا ئامیرێن خۆ یێن نوو راگەهاند، کو دێ ل 9ێ ئیلۆنێ بت، ب ناڤێ “It’s GlowTime” (دەمێ درەوشانێ هات).
ل دویڤ داخوازناما فەرمی یا کۆمپانیێ بۆ رۆژنامەڤان و دەزگەهێن راگەهاندنێ، ئەپڵ ب تەمامی ل سەر بیرۆکا “درەوشانا” تایبەت یا رەنگین یا دۆرهێلکا لۆگۆیێ ئەپڵ یێ دیار ل سەر داخوازنامێ تەرخان کریە، ل گەل لڤینا تایبەت یا هەڤاڵ ب ڤێ پێکهاتنا تایبەت د دیزاینێ دا، یا کو دهێلیت لۆگۆیێ ئەپڵ د ناڤ رەنگێن درەوشۆک دا بهێتە ژناڤچوون.
درەوشانا رەنگین یا دیار د دیزاینێ داخوازناما کۆنفرانسێ ئەپڵ دا ئەگەرەکێ مەزن نیشان ددەت کو کۆمپانی دێ د کۆنفرانسا خۆ یا داهاتی دا گرنگیێ بدەتە یاریدەدەرێ خۆ یێ زیرەک Siri د ڤەرژنا وێ یا پێشکەفتی دا، یا کو ب تایبەتمەندیێن زیرەکیا دەستکرد Apple Intelligence هاتیە پشتەڤانکرن. ژ تایبەتمەندیێن وێ نویکرنەکا بنگەهین د دیزاینێ تایبەت یێ دەرکەفتنا یاریدەدەرێ ئەپڵ ل سەر شاشا تەلەفۆنێن ئایفۆن دا بوو، ئەو ژی ب شێوەیێ درەوشانەکا رەنگین یا کو کۆنترۆلا کەنارێن شاشێ دکەت.
هێژایی گۆتنێ یە کو پێشبینی دیار دکەن کو کۆمپانیا ئەمریکی دێ ژمارەکا ئامیرێن نوی پێشکێش کەت، گرنگترین وان ڤەرژنێن تەلەفۆنێن ئایفۆن 16 نە، یێن کو چاڤەڕێ دکەن ب هەمان دیزاینێ ساڵا بوری، یێ تەلەفۆنێن ئایفۆن 15 بهێن، ل گەل زێدەکرنا بشکۆکەکا نوی یا تایبەت ب وێنەگرتنێ و پرۆسێسەرەکێ نوی یێ تەمام A18، ل گەل نویکرنەکێ د ئەزموونا وێنەگرتنێ و قەبارێ شاشێ دا.
ل گەل ڤێ چەندێ، ئەگەر هەیە کو مالباتا سەعەتێن ئەپڵ وۆچ 10، و ئەپڵ وۆچ SE 3، ل گەل گوهدارێن ئەیرپۆدز 4 یێن نوی بهێنە پێشکێشکرن.