سه‌ما
ب سەرپەرشتیا سەرۆك بارزانی، ئەڤرۆ 29 تەباخا 2024، كۆمیتەیا ناڤەندی یا پارتی دیموكراتی كوردستان كۆمبوو.
ل ڕۆژا 29ێ ته‌باخا 2024ێ، كۆمیته‌يا ناڤه‌ندی یا پارتی دیموكراتی كوردستانێ ب سه‌رپه‌رشتیا سه‌رۆك بارزانی، كۆمبوونه‌كا به‌رفره‌هـ ئه‌نجامدا و ده‌رباره‌ی هه‌لبژارتنان، جه‌خت ل سه‌ر ئه‌نجامدانا پرۆسه‌یه‌كا پاقژ كر و داخواز ژ خه‌لكێ كوردستانێ دكه‌ت كو به‌شداری هه‌لبژارتنان ببن.
هه‌روه‌سا كۆمیته‌يا ناڤه‌ندی یا پارتى دیموكراتی كوردستانێ دووپات دكه‌ت، كو پارتی گه‌له‌ك ب هشیاری و هویری گاڤان دهاڤێژت بۆ پاراستنا به‌رژه‌وه‌ندیێن بلند و قه‌وارێ هه‌رێما كوردستانێ.
ده‌رباره‌ی كێشه‌یێن ناڤبه‌را هه‌ولێر و به‌غدا، د راگه‌هاندنێ دا هاتیه كو كۆمبوون جه‌خت ل سه‌ر جێبه‌جێكرنا ده‌ستووری و رێككه‌فتنان دكه‌ت و هان دده‌ت حكومه‌تا فیدرال كو مووچه و بودجێ هه‌رێما كوردستانێ د وه‌ختێ خۆ دا بێنه هنارتن.
هه‌روه‌سا ده‌رباره‌ی ره‌وشا ناڤخویی یا هه‌رێما كوردستانێ، كۆمیته‌يا ناڤه‌ندی یا پارتی راگه‌هاند، دڤێت هه‌موو لایه‌ن یه‌كهه‌لویست و ئێكگرتى بن بۆ پاراستنا به‌رژه‌وه‌ندیێن بلند و ده‌ستكه‌فت و مافێن گه‌لێ مه و پاراستنا دامه‌زراوێن شه‌رعی و قه‌وارێ هه‌رێما كوردستانێ.