سه‌ما
ل گۆر ئامارەکا یوونیسێف ب ئەگەرا قەیرانان زێدەتر ژ 77 ملیۆن زارۆک و نوگهشتی ل رۆژهەلاتا ناڤین و باکورێ ئەفریقا ب دەستێ جۆرەکێ ژ خوارنێ دنالینن.
د راگەهاندنەکێدا رێکخراوا یوونیسێف بەلاڤکر، ئێک ژ سێ زارۆکان ل رۆژهەلاتا ناڤین و باکورێ ئەفریقا ب دەستێ جۆرەکێ ژ خوارنێ دنالینن و زێدەتری 55 ملیۆن زارۆک ل رۆژهەلاتا ناڤین و باکورێ ئەفریقا کێشا وان زێدەیە یان قەلەون، د دەمەکیدا 24 ملیۆن زارۆکێن دی ب دەستێ نه‌بوونا خوارنێ دنالینن، ژ وان ژی کورتەبالایی و لاوازیا لەشی.
رێکخراو دبێژت ژی، د دوو دەهسالێن بۆری دا، کێشا کورتەبالایی د ناڤ زارۆک و نوگه‌هشتیان دا زێدە بوویە، کو کاریگەری ل سەر 10 ملیۆن زارۆکێن ژێر تەمەنێ پێنج سالان هەیە.
عادل خدر، رێڤەبەرێ هەرێمی یێ یوونیسێف بۆ رۆژهەلاتا ناڤین و باکورێ ئەفریقا دبێژت: دەڤەرا رۆژهەلاتا ناڤین و باکورێ ئەفریقا روبەرویێ بارگرانیەکا سێ لایەنی یا ئالۆزتر دبت کو خرابخارنە کو گەشەکرن و شیانێن پێشەرۆژا زارۆکان تێکددەت.
ئاماژە ب وێ چه‌ندێ ژی کر، تەنێ ئێک ژ سێ زارۆکێن بچووک ئەو خارن وەردگرن کو پێدڤی پێ هەیە بۆ گەشەکرنێ.
دا زانين ژى ئەڤە ئامارەکا شۆکهێنەرە د سالا 2024ێ دا و مەترسیا وێ هەیە خرابتر ببت دگەل بەردەوامبوونا ململانێ و قەیرانان و ئاستەنگێن دی ل دەڤەرێ دا.